TikTok Music App: ஸ்பாடிஃபை மியூசிக் தளத்துடன் நேரடி போட்டியில் இறங்க டிக்டாக் தயாராகிவிட்டது. குறும் காணொளிகளை பகிரும் தளமாக வலம்வரும் டிக்டாக் பயன்பாட்டின் தாய் நிறுவனமான ‘பைட் டான்ஸ்’, புதிதாக ‘டிக்டாக் மியூசிக்’ எனும் பெயரை பதிவு செய்துள்ளது.
உலகளவில் அதிக பயனர்களை கொண்டிருக்கும் டிக்டாக் நிறுவனத்தின் இந்த புதிய முயற்சி, சந்தையில் உலாவி வரும் ஸ்பாடிஃபை, அமேசான் மியூசிக் போன்ற ஆடியோ ஸ்டிரீமிங் பயன்பாடுகளுக்கு கடும் நெருக்கடியை கொடுக்கும் என எதிர்பார்க்கப்படுகிறது.
டிக்டாக் மியூசிக் பெயர் பதிவு
வெளியாகியுள்ள தகவல்களின்படி, டிக்டாக் மியூசிக் என அறியப்படும் ஆடியோ ஸ்ட்ரீமிங் பயன்பாட்டிற்கான வர்த்தக முத்திரை விண்ணப்பத்தை சீன இணைய நிறுவனமான ‘பைட் டான்ஸ்’ தாக்கல் செய்துள்ளது. இந்த விண்ணப்பம் அமெரிக்க காப்புரிமை மற்றும் வர்த்தக முத்திரை அலுவலகத்தில் மே மாதம் தாக்கல் செய்யப்பட்டது.
மேலதிக செய்தி:
PUBG போல, BGMI கேமுக்கும் ஆப்பு! ஏன்… எதற்காக… விளையாட வழி இருக்கா?
இருப்பினும், இந்த விண்ணப்பமானது இன்னும் ஒரு வழக்கறிஞருக்கு மதிப்பாய்வு செய்ய ஒதுக்கப்படவில்லை என்று கூறப்படுகிறது. கடந்த நவம்பர் மாதம் ஆஸ்திரேலியாவிலும் இதே விண்ணப்பம் தாக்கல் செய்யப்பட்டது குறிப்பிடத்தக்கது.
டிக்டாக் மியூசிக் அம்சங்கள்
தாக்கல் செய்துள்ள விண்ணப்பத்தின்படி, இந்த சேவை மொபைல் போன்கள், டேப்லெட்டுகளுக்கு பொருந்தும் என்று கூறப்பட்டுள்ளது. இந்த செயலியில் பயனர்கள் பாடல்களை, ப்ளே செய்யவும், பகிரவும், பதிவிறக்கவும், வரிகளை சேர்ப்பதற்கும், பார்ப்பதற்கும், ஆல்பங்களை உருவாக்குவதற்கும், பாடல்கள் பட்டியலை உருவாக்கவும், அதனை நண்பர்களுடன் பகிரவும் முடியும்.
மேலதிக செய்தி:
Space Debris: மண்ட பத்திரம்; சீன ராக்கெட்டின் குப்பைகளால் மனிதர்களுக்கு ஆபத்து?
இசை ஸ்டிரீமிங் சேவையில் நுழையும் டிக்டாக், பிற செயலிகளை போல சாதாரணமாக களம்காணாது என்பதை மட்டும் உறுதியாகக் கூற முடியும். பல சமூகவலைத்தள அணுகலை உள்ளடக்கியதாக இந்த செயலி இருக்கும் என எதிர்பார்க்கலாம்.
WhatsApp Scam: வாட்ஸ்அப்பில் நிர்வாணமாக அழைப்பவர்கள் யார்? நீங்களும் வலையில் வீழலாம்!
டிக்டாக் மியூசிக்கால் யாருக்கு பின்னடைவு
TikTok இந்த சேவையை அறிமுகம் செய்தால், அது Spotify, YouTube Music, Amazon Prime Music, Apple Music ஆகியவற்றுக்கு நல்ல அழுத்தத்தை கொடுக்கும். பாடல்கள் மற்றும் ஆல்பங்களில் கருத்து தெரிவிக்க பயனர்களை இந்த தளங்கள் இன்னும் அனுமதிக்கவில்லை என்பதால், டிக்டாக் இதில் ஹிட் அடிக்கலாம்.
ஆனால் பைட் டான்ஸின் முதல் ஆடியோ ஸ்ட்ரீமிங் தளமாக ‘டிக்டாக் மியூசிக்’ இருக்காது. சீன நிறுவனம் ஏற்கனவே பிரேசில், இந்தியா, இந்தோனேஷியா உள்ளிட்ட தேர்ந்தெடுக்கப்பட்ட சந்தைகளில் ரெஸ்ஸோ எனப்படும் இதேபோன்ற பயன்பாட்டை வழங்குகிறது.