சூரரைப்போற்று படத்தில் நீக்கப்பட்ட சண்டை காட்சி வெளியானது
கடந்த 2020ம் ஆண்டு சுதா இயக்கத்தில் சூர்யா நடித்து வெளியான படம் சூரரைப்போற்று. ஓடிடி தளத்தில் வெளியான இந்த படம் வரவேற்பை பெற்றது. அதோடு ஐந்து தேசிய விருதுகள் பெற்ற இந்த படத்தில் சூர்யாவுக்கு சிறந்த நடிகருக்கான தேசிய விருது கிடைத்தது. சாமானியர்களும் விமானத்தில் செல்ல முடியும் என்னும் கதைக்களத்தில் உருவான இந்த படம் ஜி .ஆர். கோபிநாத்தின் வாழ்க்கை வரலாறை தழுவி உருவானது.
இந்நிலையில் தற்போது சூரரைப் போற்று படத்தில் இருந்து நீக்கப்பட்ட ஒரு சண்டைக் காட்சியை வெளியிட்டு உள்ளார்கள். இந்த வீடியோவை சோசியல் மீடியாவில் சூர்யா ரசிகர்கள் வைரல் ஆக்கி வருகிறார்கள். அதோடு தற்போது சூரரைபோற்று படத்தை ஹிந்தியில் அக்ஷய் குமாரை வைத்து ரீமேக் செய்து வரும் சுதா, இந்த படத்தில் சூர்யா கெஸ்ட் ரோலில் நடிப்பதால் சூரரைப்போற்று படத்தில் படமாக்கப்பட்டு பின்னர் படத்தில் இணைக்க முடியாமல் டெலிட் செய்த சில முக்கிய காட்சிகளையும் ஹிந்தி ரீமேக்கில் இணைப்பதற்கு திட்டமிட்டு இருப்பதாகவும் தகவல்கள் வெளியாகியுள்ளன.