நானி – நஸ்ரியா பாடலுக்கு மோகன்லால் நடனம்
மலையாள திரை உலகின் நடிகர் சங்கமான 'அம்மா'வின் தலைவராக நடிகர் மோகன்லால் பொறுப்பு வகித்து வருகிறார். விரைவில் நடிகர் சங்கம் சார்பாக விருது வழங்கும் விழா நடைபெற இருக்கிறது. இந்த நிகழ்வில் பல்வேறு கலை நிகழ்ச்சிகளும் நடைபெற இருக்கின்றன. குறிப்பாக மோகன்லால் இந்த விழாவில் ஒரு பாடலுக்கு நடனமாடி தனது பங்களிப்பை தர இருக்கிறார். இதற்காக தற்போது ரிகர்சலிலும் ஈடுபட்டுள்ளார்.
இவர் நடனம் ஆடப்போவது சமீபத்தில் தெலுங்கில் நானி, நஸ்ரியா நடிப்பில் வெளியான அன்டே சுந்தரானிக்கி என்கிற படத்தில் இடம்பெற்ற தந்தானந்தா என்கிற பாட்டிற்குத்தான். இதற்காக நடிகைகள், ஸ்வேதா மேனன், அனன்யா, பிரியங்கா நாயர், லேனா, சுவாசிகா மற்றும் நடிகர்கள் பாபுராஜ், தினேஷ் பிரபாகர் உள்ளிட்ட நட்சத்திரங்களுடன் மோகன்லால் ரிகர்சல் செய்யும் வீடியோ ஒன்று வெளியாகி தற்போது சோசியல் மீடியாவில் வைரலாகி வருகிறது.