தேனி மாவட்டத்தில் இருசக்கர வாகனம் மோதிய விபத்தில் முதியவர் ஒருவர் உயிரிழந்துள்ளார்.
தேனி மாவட்டம் கோடாங்கிபட்டியைச் சேர்ந்தவர் அழகுராஜா. இவர் இருசக்கர வாகனத்தை நிறுத்திவிட்டு அவரது உறவினருடன் பேசிக் கொண்டிருந்தார்.
அப்பொழுது அவ்வழியாக அபினேஷ்(19) என்பவர் ஓட்டி வந்த இருசக்கர வாகனம் அழகுராஜா மீது மோதியது. இதில் பலத்த காயமடைந்த அழகுராஜா சம்பவ இடத்திலேயே பரிதாபமாக உயிரிழந்துள்ளார்.
இதையடத்து இந்த விபத்து குறித்து தகவல் அறிந்து வந்த காவல்துறையினர், அழகுராஜாவின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.
மேலும் இந்த விபத்து குறித்து பழனிசெட்டிபட்டி போலீசார், வழக்கு பதிவு செய்து விசாரணை மேற்கொண்டு வருகின்றனர்.