சர்வதேச செஸ் கூட்டமைப்பின் தலைவர் மற்றும் துணைத் தலைவர் உள்ளிட்ட பொறுப்புகளுக்கான தேர்தல் சென்னையில் உள்ள நட்சத்திர விடுதியில் இன்று தேர்தல் நடைபெற்றது.இதில் தலைவர் போட்டிக்கு ஏற்கனவே தலைவர் பதவி வகிக்கும் ஆர்காடி வோர்க்கோவிச் மீண்டும் போட்டியிட்டார். அவரை எதிர்த்து ஆண்ட்ரீ பாரிஸ்போலெட்ஸ் களம் இறங்கினார்.
இந்த தேர்தலில் ஆர்காடி வோர்க்கோவிச் 157 வாக்குகள் பெற்றார். அவரை எதிர்த்து போட்டியிட்ட ஆண்ட்ரீ பாரிஸ்போலெட்ஸ்க்கு 16 வாக்குகள் மட்டுமே கிடைத்தது. இதன் அடிப்படையில் மீண்டும் ஆர்காடி வோர்க்கோவிச் சர்வதேச செஸ் கூட்டமைப்பின் தலைவராக தேர்ந்தெடுக்கப்பட்டார்.துணைத் தலைவருக்கு ஐந்து முறை செஸ் உலக சாம்பியன் பட்டத்தை வென்றவரும், தமிழ்நாட்டை சார்ந்தவருமான விஸ்வநாதன் ஆனந்த் தேர்ந்தெடுக்கப்பட்டார்.
சர்வதேச செஸ் கூட்டமைப்பின் தலைவர் மற்றும் துணைத் தலைவருக்கான பதவிக்காலம் நிரைவடைந்ததை தொடர்ந்து புதிய நிர்வாகிகளை தேர்ந்தெடுப்பதற்கான ஆலோசனை கூட்டம் சென்னையில் கடந்த 1-ம் தேதி முதல் நடைபெற்று வந்தது.