எடப்பாடி பழனிசாமிக்கு அதிர்ச்சி அளிக்கும் வகையில், தமிழகம் முழுவதும் சுற்றுப்பயணம் மேற்கொள்ள, ஓ.பன்னீர்செல்வம் திட்டமிட்டு உள்ளதாக தகவல் வெளியாகி உள்ளது.
முடிவுக்கு வந்த இரட்டை தலைமைஅஇஅதிமுகவில், சுமார் 4 ஆண்டுகளாக நீடித்து வந்த இரட்டைத் தலைமை, கடந்த ஜூலை மாதம் 11 ஆம் தேதி ஒரு வழியாக முடிவுக்கு வந்தது. அன்றைய தினம், சென்னை வானகரத்தில் உள்ள தனியார் திருமண்டபத்தில் நடைபெற்ற பொதுக்குழுக் கூட்டத்தில், இடைக்கால பொதுச் செயலாளராக, எடப்பாடி பழனிசாமி தேர்வு செய்யப்பட்டார். இதைத் தொடர்ந்து, அதே பொதுக்குழுக் கூட்டத்தில், ஓ.பன்னீர்செல்வம் மற்றும் அவரது ஆதரவாளர்களை நீக்கும் சிறப்பு தீர்மானம் நிறைவேற்றப்பட்டது.
ஓபிஎஸ் எதிர்ப்புஇதன்படி, ஓ.பன்னீர்செல்வம் உட்பட அவரது ஆதரவாளர்கள் அதிமுகவில் இருந்து நீக்கப்பட்டதாக அறிவிக்கப்பட்டது. இதற்கு எதிர்ப்புத் தெரிவித்த ஓ.பன்னீர்செல்வம், எடப்பாடி பழனிசாமியின் அறிவிப்புகள் செல்லாது எனக் கூறி, தேர்தல் ஆணையம், நீதிமன்றம் ஆகியவற்றில் முறையிட்டு உள்ளார். இந்த விவகாரம் நிலுவையில் உள்ளது.
ஓபிஎஸ் திட்டம்!இந்நிலையில், அதிமுகவை கைப்பற்றும் முயற்சியின் ஒரு பகுதியாக, தமிழகம் முழுவதும் சுற்றுப்பயணம் மேற்கொள்ள ஓ.பன்னீர்செல்வம் திட்டமிட்டு உள்ளதாக தகவல் வெளியாகி உள்ளது. இதற்கான வேலைகள் படு தீவிரமாக நடைபெற்று வருவதாகக் கூறப்படுகிறது.
சுற்றுப்பயணம்எடப்பாடி பழனிசாமி ஆதிக்கம் உள்ள கொங்கு மண்டலத்திலும், ஓ.பன்னீர்செல்வம் சுற்றுப்பயணம் செல்ல உள்ளதாகக் கூறப்படுகிறது. சுற்றுப்பயணத்தின் போது, அதிமுக மூத்த நிர்வாகிகள் மற்றும் எடப்பாடி பழனிசாமி மற்றும் அவரது ஆதரவாளர்களான முன்னாள் அமைச்சர்கள் மீது அதிருப்தியில் உள்ள நிர்வாகிகளை சந்திக்கவும், ஓ.பன்னீர்செல்வம் முடிவு செய்துள்ளதாகக் கூறப்படுகிறது.
தொண்டர்கள் ஆதரவுஇந்த சுற்றுப்பயணத்தின் போது, ஓ.பன்னீர்செல்வத்திற்கு உற்சாக வரவேற்பு அளிக்க அவரது ஆதரவாளர்கள் முடிவு செய்துள்ளனர். இதன் மூலம், தொண்டர்களின் ஆதரவு தனக்கு இருக்கிறது என்பதை நிரூபிக்க, ஓ.பன்னீர்செல்வம் திட்டம் போட்டுள்ளார்.
எடப்பாடி அன்கோ ஷாக்!ஓ.பன்னீர்செல்வத்தின் இந்த முடிவு, எடப்பாடி பழனிசாமி மற்றும் அவரது ஆதரவாளர்களிடையே கடும் அதிர்ச்சியை ஏற்படுத்தி உள்ளது. இதற்கிடையே, எடப்பாடி பழனிசாமியை எதிர்க்க, சசிகலாவுடன், ஓ.பன்னீர்செல்வம் இணைந்து செயல்பட உள்ளதாகவும் ஒரு தகவல் பரவி வருகிறது.