நயன்தாராவின் ரக்ஷா பந்தன் கொண்டாட்டம்
ஹிந்தியில் ஷாருக்கானுக்கு ஜோடியாக ஜவான், தெலுங்கில் சிரஞ்சீவியுடன் காட்பாதர், மலையாளத்தில் பிரித்விராஜுடன் கோல்டு என பல படங்களில் நடித்து வருகிறார் நயன்தாரா. அதேபோல் அவரது 75வது படத்தை ஷங்கரின் உதவியாளர் நீல் கிருஷ்ணா இயக்குகிறார். இந்த நிலையில் ரக்ஷா பந்தனை ஒட்டி சகோதரி ஒருவருக்கு கையில் ராக்கி கயிறை கட்டிவிடும் வீடியோவை வெளியிட்டு இருக்கிறார் நயன்தாரா. அந்த வீடியோவில் முதலில் அந்த பெண், நயன்தாராவுக்கு ராக்கி கயிறு கட்டிவிட, பதிலுக்கு நயன்தாராவும் அந்த பெண்ணுக்கு ராக்கி கயிறை கையில் கட்டி விடும் காட்சி இடம் பெற்றுள்ளது. இந்த வீடியோவை தற்போது நயன்தாராவின் ரசிகர்கள் வைரலாக்கி வருகிறார்கள்.