ரஜினியின் ஜெயிலர் படத்தில் தமன்னா?
நெல்சன் இயக்கத்தில் ரஜினி நடிக்கும் ஜெயிலர் படத்தின் படப்பிடிப்பு துவங்கி உள்ளது. வருகிற 15ம் தேதி முதல் ரஜினிகாந்த் கலந்து கொள்ளப் போகிறார். ரஜினியுடன் ஐஸ்வர்யா ராய், ரம்யா கிருஷ்ணன், பிரியங்கா மோகன், சிவ ராஜ்குமார் என பலர் நடிப்பதாக கூறப்பட்டு வரும் நிலையில் தற்போது ரஜினிக்கு ஜோடியாக தமன்னா நடிப்பதாக புதிய தகவல் ஒன்று வெளியாகி இருக்கிறது. ஏற்கனவே ரஜினியுடன் எந்திரன் படத்தில் நடித்த ஐஸ்வர்யா ராய் தான் இந்த படத்திலும் ஜோடியாக நடிக்கிறார் என்று கூறப்பட்டும் நிலையில், இப்போது திடீரென்று தமன்னாவின் பெயரும் அடிபடுகிறது. அப்படி என்றால் ஜெயிலர் படத்தில் ஐஸ்வர்யா ராய் நடிக்கவில்லையா? என்கிற கேள்விகளும் எழுந்து இருக்கிறது. சமீபத்தில் ஐஸ்வர்யா ராய் கர்ப்பமாக இருப்பதாக செய்திகள் வெளியாகின. அதன் காரணமாக ஜெயிலர் படத்தில் அவர் நடிக்கவில்லை என்றும் கூறப்படுகிறது.