ஆவின் பாலை கண்ணாடி பாட்டில் அல்லது டெட்ரா பேக்கில் விற்பனை செய்ய முடியுமா என கேட்டுள்ளது உயர்நீதிமன்றம்.
இது தொடர்பான விசாரணையில், தமிழக அரசு விளக்கம் அளிக்க சென்னை உயர் நீதிமன்றம் உத்தரவு அளித்துள்ளது. தண்ணீர் விநியோகிக்கும் வாட்டர் கேன்களின் சுகாதாரம் எவ்வாறு கண்காணிக்கப்படுகிறது எனவும் உணவு பாதுகாப்பு துறை ஆணையர் விளக்கம் அளிக்க உத்தரவு அளித்துள்ளது.
பெரும்பாலான உணவுப் பொருட்கள் பிளாஸ்டிக் உறைகளில் தான் அடைக்கப்பட்டு, விற்கப்படுகின்றன. உடலுக்கு தீங்கு என தெரிந்தும், அதில் வரும் உணவுப்பொருட்களை உண்கிறோம் என நீதிபதிகள் கவலையுடன் தெரிவித்துள்ளனர்.
இதற்கு பதிலலித்துள்ள தமிழக அரசு, உடலுக்கு தீங்கு என்றால் தடை செய்யத் தயார். அரசின் விளக்கத்தை பெற தெரிவிக்க அவகாசம் வேண்டும் என தமிழக அரசு சார்பில் உயர்நீதிமன்றத்தில் பதில் அளிக்கப்பட்டுள்ளது.
ஆவின் பால் விவகாரத்தில் ஏற்கனவே பல்வேறு சர்ச்சைகள் ஏற்பட்டுள்ள நிலையில் உயர்நீதிமன்றத்தின் இந்த கேள்வி அரசியல் அரங்கில் கவனம் பெற்றுள்ளது. சில தினங்களுக்கு முன்பாக ஆவின் பாலில் எடை குறைவாக உள்ளது என பெரும் சர்ச்சையை ஏற்ப்படுத்தியது. இந்நிலையில் ஆவின் பால் விவகாரத்தில் உயர்நீதிமன்றம் இத்தகைய கேள்வியை எழுப்பியுள்ளது