போட்ட தூண்டிலில் அதிருப்தியாளர்கள் சிக்கி உள்ளது பரபரப்பை ஏற்படுத்தி உள்ளது.
அதிமுக ஒற்றைத் தலைமை விவகாரம், கடந்த ஜூலை மாதம் 11 ஆம் தேதி ஒருவழியாக முடிவுக்கு வந்தது. ஓ.பன்னீர்செல்வத்தின் கடும் எதிர்ப்பையும் மீறி, பொதுக்குழுக் கூட்டத்தை நடத்தி, பொதுக்குழு உறுப்பினர்கள் மூலம், அதிமுக இடைக்கால பொதுச் செயலாளராக எடப்பாடி பழனிசாமி தேர்ந்தெடுக்கப்பட்டு விட்டார்.
இதை அடுத்து, கட்சி அடிப்படை உறுப்பினர் பொறுப்பில் இருந்து ஓ.பன்னீர்செல்வம் மற்றும் அவரது ஆதரவாளர்களை கட்சியில் இருந்து எடப்பாடி பழனிசாமி நீக்கினார். இதை சற்றும் எதிர்பார்க்காத ஓ.பன்னீர்செல்வம், எடப்பாடி பழனிசாமிக்கு கடும் கண்டனம் தெரிவித்ததோடு மட்டுமல்லாமல், அவருக்கு நெருக்கடி கொடுக்கும் வகையில், தேர்தல் ஆணையம், நீதிமன்றம் ஆகியவற்றில் முறையீடு செய்துள்ளார்.
இந்நிலையில், அதிமுக பொதுக்குழு தொடர்பான வழக்கு விசாரணையின் போது, எடப்பாடி பழனிசாமி தரப்பினரிடம், சென்னை உயர் நீதிமன்ற நீதிபதி ஜெயச்சந்திரன் சரமாரியாக கேள்வி எழுப்பினார். இது, எடப்பாடி பழனிசாமி தரப்பினரிடம் கலக்கத்தை ஏற்படுத்தி உள்ளது. இதனால், இந்த வழக்கில் தங்களுக்கு சாதகமான தீர்ப்பு வழங்கப்படலாம் என்ற நம்பிக்கையில், ஓ.பன்னீர்செல்வம் தரப்பினர் வலம் வருகின்றனர்.
இதற்கிடையே, வழக்கு விசாரணை ஒரு பக்கம் இருந்தாலும், எடப்பாடி பழனிசாமி மீது அதிருப்தியில் இருக்கும் நிர்வாகிகளை தங்கள் பக்கம் இழுக்கும் வேலைகளிலும், ஓ.பன்னீர்செல்வம் தரப்பினர் கண்ணும் கருத்துமாய் இருக்கின்றனர்.
இந்நிலையில், எடப்பாடி பழனிசாமி ஆதரவாளர் நத்தம் விஸ்வநாதன் கட்டுப்பாட்டில் இருக்கும் இரண்டு நிர்வாகிகளை, ஓ.பன்னீர்செல்வம் தரப்பினர் தங்கள் பக்கம் இழுத்துள்ளனர். ரெட்டியார்சத்திரம் மேற்கு ஒன்றிய செயலாளர் பசும்பொன் வத்தலக்குண்டு, ஒன்றிய செயலாளர் மோகன், முன்னாள் எம்எல்ஏ அன்பழகன் உள்ளிட்டோர், ஓ.பன்னீர்செல்வத்திற்கு ஆதரவு தெரிவித்து உள்ளனர்.
அண்மையில் உயிரிழந்த அதிமுக முதல் எம்பி மாயத்தேவர் உடலுக்கு அஞ்சலி செலுத்த ஓ.பன்னீர்செல்வம் வந்த போது, மேற்கண்ட நபர்கள், அவரை சந்தித்து பேசியதாகக் கூறப்படுகிறது. இவர்களை பற்றி எடப்பாடி பழனிசாமிக்கு புகார் கடிதம் சென்றுள்ளதாகவும் கூறப்படுகிறது.
இதன்படி அவர்களது பதவிகளை பறிக்க எடப்பாடி பழனிசாமி முடிவு செய்துள்ளதாக தகவல் வெளியாகி உள்ளது. அதிருப்தியாளர்களை ஓ.பன்னீர்செல்வம் தரப்பினர் தூண்டில் போட்டு பிடித்து வருவது, எடப்பாடி பழனிசாமி ஆதரவாளர்களிடையே அதிர்ச்சியை ஏற்படுத்தி உள்ளது.