காங்கிரஸ் இடைக்கால தலைவர் சோனியா காந்திக்கு மீண்டும் கொரோனா வைரஸ் தொற்று உறுதி செய்யப்பட்டு உள்ளது.
இது தொடர்பாக, காங்கிரஸ் மூத்தத் தலைவர் ஜெய்ராம் ரமேஷ், சமூக வலைதளமான ட்விட்டரில் வெளியிட்டுள்ள பதிவில் கூறியுள்ளதாவது:
காங்கிரஸ் இடைக்கால தலைவர் சோனியா காந்திக்கு கொரோனா வைஸ் தொற்று உறுதி செய்யப்பட்டு உள்ளது. மருத்துவர்கள் ஆலோசனைப்படி, அவர் வீட்டில் தனிமைப்படுத்திக் கொண்டு சிகிச்சை பெற்று வருகிறார்.
இவ்வாறு அதில் தெரிவிக்கப்பட்டு உள்ளது.
ஏற்கனவே, கடந்த ஜூன் மாதம் 2 ஆம் தேதி காங்கிரஸ் இடைக்கால தலைவர் சோனியா காந்திக்கு கொரோனா வைரஸ் தொற்று உறுதி செய்யப்பட்டது. இதைத் தொடர்ந்து அவர் நீண்ட நாட்கள் மருத்துவமனையில் சிகிச்சை பெற்றார். தொற்று குணமடைந்து ஓய்வு எடுத்ததை அடுத்து அவர் வீடு திரும்பினார். இந்நிலையில், அவருக்கு மீண்டும் கொரோனா தொற்று உறுதி செய்யப்பட்டு உள்ளது குறிப்பிடத்தக்கது.