டொவினோ தாமஸ் ஜோடியாக நடிக்கும் மடோனா
கடந்த இரண்டு வருடங்களுக்கு முன்பு மலையாளத்தில் டொவினோ தாமஸ் நடிப்பில் வெளியாகி மிகப்பெரிய வெற்றியை பெற்ற படம் பாரன்சிக். முழுக்க முழுக்க தடயவியல் துறையை பின்னணியாக கொண்டு விறுவிறுப்பான சைக்கோ த்ரில்லர் படமாக உருவாக்கி இருந்த இந்த படத்தை அகில் பால் மற்றும் அனாஸ்கான் என்கிற இரட்டை இயக்குனர்கள் இயக்கி இருந்தனர்.
இந்த நிலையில் தற்போது இதே கூட்டணி ஐடென்டிடி என்கிற படத்திற்காக மீண்டும் இணைந்துள்ளது. இந்த படத்தில் கதாநாயகியாக மடோனா செபாஸ்டியன் நடிக்கிறார். கிட்டத்தட்ட மூன்று வருடங்களுக்கு பிறகு மீண்டும் இந்த படத்தின் மூலம் மலையாள திரையுலகிற்கு திரும்பியுள்ளார் மடோனா. பாரன்சிக் படத்தைப் போல இதுவும் திரில்லர் ஜானரில் தான் உருவாக இருக்கிறதாம்.