75 ம் ஆண்டு சுதந்திர தின விழாவையொட்டி ஈரோடு மாவட்ட
கட்சியினர் சார்பாக துண்டு பிரசுரம் வழங்கும் நிகழ்ச்சி ஈரோடு மரப்பாலத்தில் நடந்தது.
இந்நிகழ்ச்சியில், பங்கேற்ற பின்னர் முன்னாள் காங்கிரஸ் மாநில தலைவர் ஈவிகேஎஸ்
செய்தியாளர்களுக்கு பேட்டி அளித்தார். அப்போது, தமிழக காங்கிரஸ் கமிட்டியின் தலைவராக ப. சிதம்பரம் பதவியேற்றால் அதை முழுமையாக வரவேற்கிறேன்.
நிதி அமைச்சர் பழனிவேல் தியாகராஜனின் கார் மீது பாஜகவினர் செருப்பு வீசியது, பாஜகவினர் என்றாலே அவர்கள் வீசிய பொருளில் இருந்தே தெரிகிறது டாஸ்மாக் ஒழிக்கப்படும் பட்சத்தில் மக்கள் பாதிக்கப்படுவார்கள், கள்ளச்சாராயம் பெருக வாய்ப்பு ஏற்படும், மதுபான கடையை ஒழிப்பது என்பது சாத்தியம் இல்லை.
நடிகர் ரஜினிகாந்த் தமிழக ஆளுநரை சந்தித்து அரசியல் பேசினார் என கூறுவது அவரது அடுத்த படத்திற்கான விளம்பரத்திற்காக, நடிகர் ரஜினிகாந்த் அரசியலுக்கு வந்தால் தான் பாஜக முன்னிலைப்படுத்த முடியும், ஒவ்வொரு படம் ரிலீஸ் ஆவதற்கு முன்பும் அரசியலுக்கு வரப்போகிறேன் என கூறிவிட்டு ஜகா வாங்குவது அவரது குணம் என தெரிவித்தார்.