75வது நாளில் 'விக்ரம்'
லோகேஷ் கனகராஜ் இயக்கத்தில், அனிருத் இசையமைப்பில், கமல்ஹாசன், விஜய் சேதுபதி, பகத் பாசில் மற்றும் பலர் நடிப்பில் வெளிவந்த படம் 'விக்ரம்'. தமிழ் சினிமாவில் முந்தைய வசூல் சாதனைகள் பலவற்றை இந்தப் படம் முறியடித்தது. கமல்ஹாசனின் இத்தனை ஆண்டு கால சினிமா வரலாற்றில் அவருக்கு அதிகப்படியான வசூலையும், லாபத்தையும் பெற்றுக் கொடுத்த படம்.
இப்படம் ஓடிடியில் கடந்த மாதம் ஜுலை 8ம் தேதி வெளியானது. ஓடிடியில் வெளியாகி ஒரு மாதத்திற்கு மேலாகியும் இன்னமும் சில தியேட்டர்களில் ஓடிக் கொண்டிருக்கிறது. தியேட்டர்களில் வெளியாகி இன்றுடன் 75 நாட்கள் ஆகிறது. இதற்கு முன்பு வேறு எந்தப் படமும் ஓடிடியில் வெளியான பின்னும் 75 நாட்களைத் தொட்டதில்லை. அதிலும் ஒரு புதிய சாதனையைப் படைத்துள்ளது 'விக்ரம்'.
இப்படத்தில் கிடைத்த லாபத்தால் கமல்ஹாசன் அடுத்தடுத்து அவரது சொந்த நிறுவனத்தின் மூலம் மேலும் சில புதிய படங்களைத் தயாரிக்கிறார். சிவகார்த்திகேயன், உதயநிதி ஸ்டாலின் ஆகியோர் அப்படங்களில் கதாநாயகர்களாக நடிக்கிறார்கள்.