சென்னையில் உள்ள
இல்லத்தில் அவரது ஆதரவாளர்கள் செய்தியாளர்களை சந்தித்தனர். அப்போது
பேசுகையில், எம்.ஜி.ஆர் மற்றும் ஜெயலலிதா ஆகியோர் பதவியேற்று நடத்திய பொதுக்குழுவை போலவே ஜூலை 11ஆம் தேதி பொதுக்குழுவும் நடைபெற்றுள்ளது. இதில் கலந்து கொண்ட உறுப்பினர்கள் அனைவரும் 23 தீர்மானங்கள் நிராகரிக்கப்படுவதை ஒருமனதாக ஏற்றுக் கொண்டனர். ஓபிஎஸ் தரப்பினர் 100 பொதுக்குழு உறுப்பினர்களை வைத்துக் கொண்டு நீதிமன்றத்தை நாடியுள்ளனர். தீர்ப்பின் முழு விவரங்கள் வெளிவந்த பிறகு தலைமைக் கழகத்தில் இருந்து உரிய பதில் தரப்படும் என்று கூறினார். அதிமுக பொதுக்குழு செல்லாது என்ற நீதிமன்ற தீர்ப்பை செல்லாது என்று பார்க்கிறீர்களா? என செய்தியாளர்கள் கேள்வி எழுப்பினர். அதற்கு, இதில் பின்னடைவை என்ற பேச்சுக்கே இடமில்லை. ஏனெனில் 2,600 பொதுக்குழு உறுப்பினர்களில் 2562 உறுப்பினர்கள் எடப்பாடி பழனிசாமியின் தலைமையை ஏற்றுக் கொண்டிருக்கின்றனர். இவர்கள் வெறும் பொதுக்குழு உறுப்பினர்கள் தானே? என்று சொல்லலாம். இந்த பொதுக்குழு உறுப்பினர்கள் அனைவரும் கட்சியின் கீழ்மட்டத்தில் இருக்கக்கூடிய உறுப்பினர்கள் வாயிலாக ஒன்றிய, நகர, மாவட்ட செயலாளர்கள் வழியாக தான் தேர்வு செய்யப்படுகின்றனர். எனவே பொதுக்குழு உறுப்பினர்கள் தான் கட்சியில் பலம் படைத்தவர்களாக, அனைத்து அதிகாரங்களையும் கொண்டவர்களாக இருக்கின்றனர். இவர்கள் அனைவரும் எடப்பாடி பழனிசாமியை பொதுச் செயலாளராக ஏற்றுக் கொண்டிருக்கின்றனர். ஆகையால் வழக்கின் தீர்ப்பால் பின்னடைவு என்ற பேச்சுக்கே இடமில்லை. நீதிபதி ஒரு தீர்ப்பை வழங்கியிருக்கிறார். அதிமுகவில் ஜூன் 23ஆம் தேதிக்கு முன்பிருந்த நடைமுறை தொடர வேண்டும் என்று சொல்லியிருக்கிறார். இதை அடுத்தகட்டத்திற்கு எப்படி செல்வது என்பது எங்களின் கழக உறுப்பினர்கள் அமர்ந்து ஆலோசனை செய்து முடிவு எடுப்பர். அதன்படி நடைமுறைப்படுத்தப்படும் என்று கே.பி.முனுசாமி தெரிவித்தார்.