குரங்கு அம்மை நோய் சமீப காலமாக உலகம் முழுவதும் பரவி உலக மக்களை அச்சுறுத்தி வருகிறது. இந்நிலையில் பல்வேறு மக்கள் இதனால் பாதிக்கப்பட்டு வருகின்றனர். இது பொது மக்களிடையே பெரும் அச்ச உணர்வை ஏற்ப்படுத்தி வருகிறது.
குரங்கு அம்மை நோய் என்பது வைரஸ் ஜூனோசிஸ் தொற்றாகும். அதாவது விலங்குகளிலிருந்து மனிதர்களுக்கு பரவும் வைரஸ் தொற்றாகும். இந்த அம்மை தொற்று பெரியம்மை நோயைப் போல அறிகுறிகளை காட்டக் கூடியது. இந்த குரங்கு அம்மை நோய் முக்கியமாக மத்திய மற்றும் மேற்கு ஆப்பிரிக்காவில் அதிகளவில் ஏற்படுகிறது.
இந்நிலையில் ஈரான் நாட்டில் முதல் முறையாக ஒருவருக்கு குரங்கு அம்மை நோய் பாதிப்பு இருப்பது தெரியவந்துள்ளது. உலகை அச்சுறுத்திய கொரோனா வைரஸை தொடர்ந்து தற்போது குரங்கம்மை நோய் உலகை அச்சுறுத்தி வருகிறது. உலகம் முழுவதும் 80 க்கும் மேற்பட்ட நாடுகளில் சுமார் 30 ஆயிரத்திற்கும் மேற்பட்டோருக்கு குரங்கம்மை தொற்று உறுதி செய்யப்பட்டுள்ளது.
அமெரிக்கா மற்றும் ஐரோப்பிய நாடுகளில் குரங்கம்மையின் தாக்கம் அதிகரித்துள்ளதாக உலக சுகாதார நிறுவனம் அறிவித்துள்ளது. இதேபோல் குரங்கம்மை நோய் உலக சுகாதார அவசரநிலையை ஏற்படுத்தியுள்ளதாகவும் உலக சுகாதார அமைப்பு எச்சரித்துள்ளது. இந்தியாவையும் அந்த நோய் விட்டு வைக்கவில்லை. இந்தியாவில் இதுவரை 10 பேருக்கு இந்த நோய் பாதிப்பு இருப்பது அதிர்ச்சியை ஏற்ப்படுத்தியுள்ளது .
இந்நிலையில், ஈரான் நாட்டில் முதல் முறையாக ஒருவருக்கு குரங்கு அம்மை நோய் பாதிப்பு இருப்பது கண்டுபிடிக்கப்பட்டது என அந்நாட்டு சுகாதார அமைச்சகம் அதிகாரப்பூர்வமாக அறிவித்துள்ளது. 34 வயது பெண் ஒருவருக்கு குரங்கு அம்மை நோய் பாதிப்பு கண்டறியப்பட்டதும், அவர் தனிமையில் சிகிச்சை பெற்று வருகிறார் என தெரிவிக்கப்பட்டுள்ளது.
இது ஈரானில் மட்டுமின்றி உலகம் முழுவதும் பெரும் அதிர்ச்சியை ஏற்ப்படுத்தியுள்ளது.