கோவையில் பிரபல சுகுணா குழுமத்தின் நிறுவனர் ஜி.ராமசாமி நாயுடுவின் நூற்றாண்டு விழா நடைபெற்றது. இதற்கான ஏற்பாடுகள் காளப்பட்டி சாலையில் உள்ள சுகுணா அரங்கத்தில் செய்யப்பட்டிருந்தன. இதில் கர்நாடக மாநில முதலமைச்சர் பசவராஜ் பொம்மை சிறப்பு விருந்தினராக கலந்து கொண்டார். இதையொட்டி கோவை விமான நிலையம் முதல் விழா அரங்கு வரை பலத்த போலீஸ் பாதுகாப்பு போடப்பட்டிருந்தது.
நூற்றாண்டு விழாவில் ஜி.ராமசாமி நாயுடுவின் திருவுருவ சிலை திறந்து வைக்கப்பட்டது. இந்த விழாவில் பேசிய முதல்வர் பசவராஜ் பொம்மை, எனது இளமை காலங்களில் கோவைக்கு வந்ததை மறக்க முடியாது. கோவைக்கும், எனக்குமான நினைவுகள் ஏராளம் இருக்கின்றன என்று பல்வேறு விஷயங்களை பகிர்ந்து கொண்டார். மேலும் பேசுகையில், சுகுணா குழுமத்தின் நிறுவனர் ஜி.ராமசாமி நாயுடு தான் என்னுடைய காட்ஃபாதர்.
இந்துக்கள் மட்டும் வாழும் பகுதி..! – வைரலாகும் கோவை குசும்பு போஸ்டர்!
தொழில் தொடங்கும் போது எனது தந்தையின் பெயரை மட்டும் பயன்படுத்தக் கூடாது என்று அறிவுரை வழங்கினார். அதையே வேதவாக்காக எடுத்துக் கொண்டு பின்பற்றினேன். என்னுடைய வாழ்வில் நல்ல நிலைக்கு வந்துள்ளேன். இவரது நூற்றாண்டு விழாவை கொண்டாடுவதில் மிகுந்த மகிழ்ச்சி அடைகிறேன். மீண்டும் கோவை மண்ணிற்கு வந்ததை பெருமையாக நினைக்கிறேன்.
ஜி.ராமசாமி நாயுடுவின் நூற்றாண்டு காலத்திலேயே மீண்டும் ஒருமுறை கோவைக்கு வருவேன் என்றார். 21ஆம் ஆண்டு நூற்றாண்டு அறிவுசார் சகாப்தமாக இருக்கிறது. பலரும் முன்னேற்றப் பாதையில் சென்று கொண்டிருக்கின்றனர். குறிப்பாக கோவை, திருப்பூர் நகரங்கள் தொழில் வளர்ச்சியில் மற்ற நகரங்களுக்கு முன் மாதிரியாக திகழ்கின்றன.
இந்திய விமானப்படையில் இவ்வளவு வேலை வாய்ப்புகள்.. கல்லூரி மாணவர்களுக்கு குட் நியூஸ்!
இந்த நகரங்களை பின்பற்றி அனைத்து நகரங்களும் வளர்ச்சிப் பாதையில் செல்ல வேண்டும். அதிக வருவாயை ஈட்டி அரசுக்கு சரியான முறையில் வருமான வரி செலுத்துங்கள். ஏனெனில் நாட்டின் முன்னேற்றத்திற்கு வருமான வரி முக்கியமானது என்று கூறினார். சுகுணா குழுமத்தின் நிறுவனர் ஜி.ராமசாமி நாயுடுவின் நூற்றாண்டு விழாவில் பல்வேறு தொழில் நிறுவனங்களை சேர்ந்த முதலாளிகள், அதிகாரிகள், பிரபலங்கள் உள்ளிட்ட பல்வேறு தரப்பினரும் கலந்து கொண்டு சிறப்பித்தனர்.