லண்டனில் உள்ள சவுத்வார்க் ரயில் நிலத்தில் திடீர் தீ விபத்து ஏற்ப்பட்டது. இங்கிலாந்து தலைநகர் லண்டனில் சவுத்வார்க் ரயில் நிலையம் உள்ளது. அங்கு திடீரென்று பயங்கர தீ விபத்து ஏற்பட்டது. பெரும் கொளுந்து விட்டு எரிந்த தீ, வாகனம் நிறுத்துமிடத்துக்கும் பரவியது.
இதனால் ரயில் நிலையத்தில் இருந்து பல அடி உயரத்துக்கு கரும்புகை சூழ்ந்து காணப்பட்டது. இதையடுத்து தீயை அணைக்கும் பணியில் 70-க்கும் மேற்பட்ட தீயணைப்பு வீரர்கள்போராடி தீயை அணைக்கும் பணியில் ஈடு பட்டனர் . ஆனால் வேகமாக தீ பரவியதால் தீயை கட்டுப்படுத்த வீரர்கள் கடுமையாக போராடினர்.
ரயில் நிலையம் அருகே வசிக்கும் பொதுமக்கள் தங்கள் வீட்டு கதவு, ஜன்னல்களை மூடி வைக்குமாறு அறிவுறுத்தப்பட்டனர் . நீண்ட நேர போராட்டத்துக்கு பின் தீயை கட்டுக்குள் கொண்டு வந்தனர். தீ விபத்தால் ரயில் நிலையம் மூடப்பட்டது. இதனால் ரயில் சேவை கடுமையாக பாதிக்கப்பட்டது . ஆயிரக்கணக்கான பயணிகள் இதனால் பாதிக்கப்பட்டனர் . தீ விபத்துக்கான காரணம் குறித்து போலீசார் விசாரித்து வருகிறார்கள்.
இச்சம்பவம் லண்டனில் பெரும் பரபரப்பை ஏற்ப்படுத்தியுள்ளது.