அஜித் 61வது படத்தில் பிரமாண்ட பைக் சேஸிங் காட்சி!
எச்.வினோத் இயக்கத்தில் அஜித் நடித்து வரும் 61வது படத்தின் படப்பிடிப்பு ஐதராபாத்தைத் தொடர்ந்து தற்போது விசாகப்பட்டினத்தில் நடைபெற்று வருகிறது. விசாகப்பட்டினத்தில் இருந்து 150 கிலோ மீட்டர் தொலைவில் உள்ள கிழக்கு தொடர்ச்சி மலையை ஒட்டி அமைந்துள்ள அரக்கு என்ற பள்ளத்தாக்கு பகுதியில் இப்படத்தின் கிளைமேக்ஸில் இடம்பெறும் பைக் சேஸிங் சண்டை காட்சியை படமாக்க போகிறார் எச்.வினோத். ஒரு வாரம் படப்பிடிப்பு நடைபெறுகிறது. இந்த பைக் சேஸிங் சண்டை காட்சியை ஏராளமான கேமராக்களை வைத்து பல கோணங்களில் படமாக்கவும் திட்டமிடப்பட்டுள்ளதாம். அந்த வகையில் வலிமை படத்தில் இடம்பெற்றதை விடவும் இந்த பைக் சேஸிங் காட்சி பிரமாண்டமாக இருக்கும் என்றும் கூறப்படுகிறது.