5ல் ஒரு இளைஞருக்கு வேலையில்லை.. சீனாவின் மோசமான நிலை.. இந்தியா பரவாயில்லையோ?

பல நிறுவனங்களுக்கும் பிரச்சனை

சமீபத்திய காலமாக சீனாவின் முன்னணி நிறுவனங்கள் கூட பிரச்சனையை எதிர்கொள்ள தொடங்கியுள்ளன. குறிப்பாக சீனாவின் முக்கிய வணிகமாக இருந்து வரும் ரியல் எஸ்டேட் துறையை சார்ந்த எவர்கிராண்டே நிறுவனம், திவால் நிலையை எதிர்கொண்டுள்ளது. இது மட்டும் சீனாவின் முன்னணி நிறுவனங்கள் பலவும் வளர்ச்சியில் சரிவினை எதிர்கொண்டுள்ளன.

பணி நீக்கம்

சில தினங்களுக்கு முன்பு சீனாவின் டெக் ஜாம்பவான் நிறுவனமான ஜியோமி, தனது ஊழியர்களில் 800க்கும் மேற்பட்டோரை பணி நீக்கம் செய்துள்ளதாக தகவல்கள் வெளியாகியுள்ளன.

இதன் மூலம் சீன தொடர்ந்து மந்த நிலையில் உள்ளதையே அறிய முடிகிறது. இது மேலும் தொடரலாம் என்ற நிலையே இருந்து வருகின்றது.

 

5ல் ஒருவருக்கு வேலையில்லை

இதற்கிடையில் வளர்ச்சியினை புதுபிப்பதும், ஊக்குவிப்பதும் அவசியமான ஒன்று என சீனா நிபுணர்கள் கருத்து தெரிவித்துள்ளனர்.

கடந்த ஜூலை மாதத்தில் வேலையின்மை விகிதமானது 16 – 24 வயதிற்கு இடையில், 19.9% ஆக இருந்தது என சீனாவின் தேசிய புள்ளியியல் அலுவலகம் தெரிவித்துள்ளது. இதன் மூலம் 5ல் ஒரு இளைஞர் வேலையில்லாமல் இருக்கிறார் என்று புள்ளிவிவரம் மூலம் அறிய முடிகிறது.

வேலை கிடைக்காமல் போகலாம்

நடப்பு ஆண்டில் இன்னும் அதிக எண்ணிக்கையிலான பட்டதாரிகள் வேலை தேடி சந்தைக்குள் நுழைவார்கள். ஆனால் தற்போது நிலைமை சரியில்லை. ஆக பட்டதாரிகளால் அவர்கள் விரும்பிய வேலையினை பெற முடியுமா? எனத் தெரியவில்லை என கான்பெர்ரா பல்கலைக்கழத்தின் இணைப் பேராசிரியரும், தொழிலாளர் நிபுணருமான சியோடோங் காங் தெரிவித்துள்ளார்.

அதிகரிக்கலாம்

இதற்கிடையில் சீனாவின் பல முக்கிய நகரங்களில் மின் பற்றாக்குறையானது நிலவி வருகின்றது. இதனால் வணிகங்கள் மறும் தொழில் சாலைகள் கடுமையாக பாதிக்கப்பட்டுள்ளன. வேலையினை நிறுத்த வேண்டிய நிலைக்கு தள்ளப்பட்டுள்ளன. இது மேற்கொண்டு வேலை இழப்பினை அதிகரிக்கலாம் என எதிர்பார்க்கப்படுகிறது.

சீனாவின் நிலையோடு ஒப்பிடும்போது இந்தியாவின் நிலையானது நிச்சயம் பெட்டர் தான்.. நீங்க என்ன சொல்றீங்க