பாஜகவுக்கு ரஜினிகாந்த் மட்டுமல்ல
வந்தாலும் ஏற்றுக் கொள்வோம் என்று கோவை தெற்கு தொகுதியில் கமல்ஹாசனை தோற்கடித்த பாஜக மகளிரணி தேசிய தலைவரும், எம்.எல்.ஏ.வுமான வானதி சீனிவாசன் பேட்டி கொடுத்துக் கொண்டிருக்கும் சூழலில், கமல்ஹாசனின் மக்கள் நீதி மய்யமோ,
பக்கம் சாய்ந்து வருவதாக தெரிகிறது.
நாடாளுமன்ற மக்களவை தேர்தல் 2024ஆம் ஆண்டு நடைபெறவுள்ளது. இதற்காக அரசியல் கட்சிகள் இப்போதே தங்களது பணிகளை தொடங்கி விட்டன. 2024 தேர்தலிலும் மோடி தலைமையிலான பாஜக ஆட்சிதான் என்று அமித் ஷா சூளுரைத்துள்ளார். கடந்த தேர்தலிலும் சரி, அதற்கும் முந்தைய தேர்தலிலும் சரி நாடு முழுவதும் மோடி அலை வீசினாலும், தமிழகத்தில் அந்த அலை எடுபடவில்லை. இந்த முறை திமுக ஆளுங்கட்சியாக அமர்ந்துள்ளதால், இன்னும் வீரியமாக செயல்படும் என எதிர்பார்க்கப்படுகிறது.
அண்மைக்காலமாக பிரதமர் மோடியுடன் முதல்வர் ஸ்டாலின் நெருக்கம் காட்டி வருவது கூட்டணிக்குள் சலசலப்புகளை ஏற்படுத்தியுள்ளது. இதனால், கேரள மாநாடு, விசிக தலைவர் திருமாவளவன் மணிவிழா என இரண்டு தருணங்களிலும் கூட்டணி குறித்து அழுத்தமாக பேசியாக வேண்டிய நிலைக்கு முதல்வர் ஸ்டாலின் தள்ளப்பட்டார். இதனால், திமுக கூட்டணி கட்சித் தலைவர்கள் உற்சாகமடைந்துள்ளதாக கூறப்படுகிறது.
இந்த நிலையில், திமுகவுடன்
கூட்டணி பேச்சுவார்த்தையை தொடங்கியுள்ளதாக தகவல்கள் வெளியாகியுள்ளன. நடிகர் கமல்ஹாசனின் ‘விக்ரம்’ படத்தின் தமிழக உரிமையை, திமுக இளைஞரணிச் செயலாளரும், எம்.எல்.ஏ.வுமான உதயநிதி ஸ்டாலினின் ரெட் ஜெயண்ட் மூவீஸ் நிறுவனம் வாங்கியது. படத்தின் வெற்றிக்கு பின்னர் கமல்ஹாசனுக்கும், உதயநிதிக்குமான நெருக்கம் அதிகரித்துள்ளதாக திரைத்துறை வட்டாரத்தில் பேசப்படுகிறது. இந்த நெருக்கம் தற்போது அரசியல் வரை வந்துள்ளதாம்.
எதிர்வரவுள்ள நாடாளுமன்ற மக்களவை தேர்தலில் மக்கள் நீதி மய்யத்துக்கு கண்டிப்பாக அங்கீகாரம் பெற்று விட வேண்டும் என்பதில் கமல்ஹாசன் உறுதியாக இருப்பதாக கூறுகிறார்கள். ஆனால், தனித்து நின்றால் சாதிக்கும் வாய்ப்பு குறைவு என்பதால், திமுகவுடன் இணைந்து தேர்தலை சந்திக்க மக்கள் நீதி மய்யத்தினர் பேச்சுவார்த்தையில் ஈடுபட்டுள்ளனராம். மக்கள் நீதி மய்யம் தரப்பில் டார்ச் லைட் சின்னத்தில் போட்டியிட சுமார் 5 தொகுதிகள் வரை கேட்கப்பட்டதாம். ஆனால், திமுக தரப்பில் ஒரே ஒரு மக்களவை தொகுதி கொடுப்பதாகவும், அந்த தொகுதியிலும் உதயசூரியன் சின்னத்தில்தான் போட்டியிட வேண்டும் எனவும், தேர்தல் செலவுகளை திமுகவே ஏற்கும் எனவும் தெரிவித்துள்ளதாக தெரிகிறது. அத்துடன், கமல்ஹாசனுக்கு நாடாளுமன்ற மாநிலங்களை உறுப்பினர் பதவி கொடுப்பதாகவும் பேசப்பட்டுள்ளதாக கூறப்படுகிறது.
தொடர்ந்து, ஒரு தொகுதியென்றாலும் கொங்கு மண்டலத்தில் கொடுக்க வேண்டும். ஆனால், டார்ச் லைட் சின்னத்தில் தான் போட்டியிடுவோம் என்று மக்கள் நீதி மய்யம் கறார் காட்டியுள்ளது. இதையடுத்து, தேர்தல் நேரத்தில் பேசிக்கொள்ளலாம் என்று தள்ளிப்போடப்பட்டுள்ளதாம். தேர்தல் செலவுகளை ஏற்றுக் கொள்வோம் என்று திமுக தெரிவித்துள்ளது, பொருளாதார நெருக்கடியில் சிக்கித் தவித்து வரும் மக்கள் நீதி மய்யம் கட்சித் தலைவர் கமல்ஹாசனுக்கு மகிழ்ச்சியை ஏற்படுத்தியுள்ளதாம். ஆனால், டார்ச் லைட் சின்னத்தை கேட்டுப் பெற்றுவிட வேண்டும் என்பதில் அவர் உறுதியாக இருக்கிறாராம். அத்துடன், கடந்த முறை விசிகவிற்கு வழங்கியது போல இரண்டு தொகுதிகளையாவது கேட்டு பெற்றிட வேண்டும். அதில் ஒன்றில் டார்ச் லைட் சின்னம் மற்றொன்றில் உதயசூரியன் சின்னத்தின் போட்டியிடலாம் என்ற கணக்கும் மய்யத்தில் போடப்பட்டு வருகிறதாக சொல்கிறார்கள்.
திமுகவை பொறுத்தவரை ஏகத்துக்கும் கூட்டணி கட்சிகள் இருந்தாலும், கமல்ஹாசனையும் அரவணைத்துக் கொள்ளவே விரும்புவதாக தெரிகிறது. முதல்தலைமுறை வாக்காளர்கள் குறிப்பாக, நகர்ப்புற வாக்காளர்களின் வாக்குகளை ஈர்க்க கமல்ஹாசன் அவசியம் என்பதால், அவரை திமுக உபயோகப்படுத்திக் கொள்ள வாய்ப்புள்ளதாக அரசியல் நோக்கர்கள் கூறுகிறார்கள். இதற்காக திமுக தங்களது தொகுதிகளை குறைத்துக் கொண்டாலும் ஆச்சரியமில்லை என்கிறார்கள்.