3 மொழி படத்தில் அறிமுகமாகும் ஜானி மாஸ்டர்
நடன இயக்குனர்கள் நடிகர்களாகவும், இயக்குனர்களாகவும் மாறிக் கொண்டிருக்கும் காலத்தில் தென்னிந்திய சினிமாவின் முன்னணி நடன இயக்குனரான ஜானி மாஸ்டர் ‛யதா ராஜா ததா பிரஜா' என்ற தெலுங்கு படத்தின் மூலம் ஹீரோவாக அறிமுகமாகிறார். தெலுங்கு, தமிழ், கன்னடம் ஆகிய மொழிகளில் தயாராகிறது. 'சினிமா பாண்டி' புகழ் விகாஸ் மற்றொரு நாயகனாகவும், சிருஷ்டி வர்மா கதாநாயகியாகவும் நடிக்கும் இந்தப் படத்தை ஸ்ரீனிவாஸ் விட்டலா இயக்குகிறார். ஓம் மூவி கிரியேஷன்ஸ் மற்றும் ஸ்ரீ கிருஷ்ணா மூவி கிரியேஷன்ஸ் சார்பில் ஸ்ரீனிவாஸ் விட்டலா மற்றும் ஹரேஷ் படேல் தயாரிக்கின்றனர். ஆயுஷ் ஷர்மா ஒளிப்பதிவு செய்கிறார்.
படத்தில் நடிப்பது பற்றி ஜானி மாஸ்டர் கூறியதாவது: நடனம் மற்றும் விளம்பரங்களுக்கு மேலாக எனது அடையாளத்தை வளர்க்க, இதுபோன்ற ஒரு நல்ல கதையுடன் வர முடிவு செய்துள்ளேன். தெலுங்கு, தமிழ், கன்னடம் ஆகிய மொழிகளில் இந்தப் படத்தைக் கொண்டு வருகிறோம். இது கமர்ஷியல் அம்சங்களுடன் கூடிய அரசியல் நாடகம். நகைச்சுவை, நையாண்டிகள், சமூக செய்திகள் மற்றும் பலவற்றை உள்ளடக்கிய முழுக்க முழுக்க பொழுதுபோக்காக இருக்கும். என்றார்.