சென்னையில் நடைபெற்ற 44 சர்வதேச செஸ் ஒலிம்பியாட் போட்டியின் தொடக்க விழா அன்று திருவள்ளுர், காஞ்சிபுரம், சென்னை, செங்கல்பட்டு ஆகிய நான்கு மாவட்டங்களின் பள்ளிகளுக்கு உள்ளூர் விடுமுறை அளிக்கப்பட்டதால் அதனை ஈடு செய்யும் விதமாக தற்பொழுது மாற்று வேலை நாள் அறிவிக்கப்பட்டுள்ளது.
கடந்த ஜூலை 28ஆம் தேதி சென்னை அடுத்த மகாபலிபுரத்தில் 44 ஆவது செஸ் ஒலிம்பியா போட்டிகள் தொடங்கியது. இதற்கான தொடக்க விழாவையொட்டி திருவள்ளுர், காஞ்சிபுரம், செங்கல்பட்டு, சென்னை ஆகிய நான்கு மாவட்டங்களுக்கு ஜூலை 28ஆம் தேதி உள்ளூர் விடுமுறை அளிக்கப்பட்டது.
இந்த விடுமுறையை ஈடு செய்யும் விதமாக, இந்த நான்கு மாவட்டங்களுக்கு மட்டும் மாற்று வேலை நாள் அறிவிக்கப்பட்டு இருக்கிறது. வருகின்ற சனிக்கிழமை ஆகஸ்ட் 27ஆம் தேதி வேலை நாளாக இருக்கும் என பள்ளி கல்வித்துறை அறிவித்துள்ளது.