ஓரினச்சேர்க்கையால் அதிர்ச்சி.. ஒரேநேரத்தில் கொரோனா, குரங்கு அம்மை, எச்ஐவியால் பாதிக்கப்பட்ட நபர்

இதனால் அவர் மருத்துவ பரிசோதனை மேற்கொண்டார். ஜூலை 2ம் தேதி அவருக்கு கொரோனா தொற்று உறுதியானது. இதையடுத்து அவர் தனிமையில் சிகிச்சை பெற துவங்கினார். இதற்கிடையே அநன்று மதியம் அவரது இடது கையில் அரிப்பு ஏற்பட்டது. மேலும் அவரது மூட்டு, முகங்களில் நீர்க்கட்டிகள் தோன்றின. கொப்பளங்கள் உருவாகின. இது தொடர்ந்து உடலின் பல இடங்களுக்கும் பரவியது.

ஜூலை 5ம் தேதி கொப்பளங்கள் உடைய துவங்கின. இதனால் பயந்துபோன அவர் இத்தாலி கேடானியில் உள்ள சான் மார்கோ பல்கலைக்கழக மருத்துவமனைக்கு சென்று சிகிச்சைக்கு சேர்ந்தார். ஏற்கனவே கொரோனாவால் பாதிக்கப்பட்டுள்ள அவருக்கு குரங்கு அம்மை, எச்ஐவி உள்பட பல்வேறு சோதனைகள் மேற்கொள்ளப்பட்டன. இதில் அதிர்ச்சியளிக்கும் வகையில் முடிவுகள் வெளியாகின. அந்த நபருக்கு கொரோனா உள்ள நிலையில் எச்ஐவி மற்றும் குரங்கு அம்மை பாதிப்பும் உறுதியானது. கடைசியாக செப்டம்பர் மாதம் 2021ல் அவர் எச்ஐவி சோதனை செய்தபோது நெகட்டிவ் வந்த நிலையில் தற்போது பாசிட்டிவ் என வந்தது. இதனால் அவர் அதிர்ச்சியடைந்தார்.

இதுபற்றி டாக்டர்கள் விசாரணை நடத்தினர். இந்த விசாரணையில் அவர் ஸ்பெயின் நாட்டுக்கு சென்ற 5 நாளில் பல்வேறு ஆண்களுடன் ஓரினச்சேர்க்கையில் ஈடுபட்டது தெரியவந்தது. மேலும் அவர் பாதுகாப்பற்ற உடலுறவில் ஈடுபட்டதும் தெரியவந்தது. இதன்மூலம் அவருக்கு எச்ஐவி மற்றும் குரங்கு அம்மை நோய் பரவி இருக்கலாம் என டாக்டர்கள் கூறினர். தொடர்ந்து அவருக்கு டாக்டர்கள் தீவிர சிகிச்சை அளித்து வந்தனர்.

இந்நிலையில் தான் அந்த நபர் கொரோனா மற்றும் குரங்கு அம்மையில் இருந்து மீண்டார். இதையடுத்து அவர் மருத்துவமனையில் இருந்து டிஸ்சார்ஜ் செய்யப்பட்டார். ஜூலை 11ல் மருத்துவமனையில் இருந்து வீடு திரும்பிய அவர் தனிமையில் உள்ளார். உலகின் பல நாடுகளில் தற்போது கொரோனா, குரங்கு அம்மை நோய் பரவல் உள்ளது. இருப்பினும் ஒரேநேரத்தில் கொரோனா, குரங்கு அம்மை, எச்ஐவி நோயால் யாரும் பாதிக்கப்பட்டதாக தகவல் இல்லாத நிலையில் முதல் முதலாக இந்த இத்தாலி நபர் பாதிக்கப்பட்டுள்ளார். இருப்பினும் தொடர் சிகிச்சையில் இருந்து அவர் கொரோனா, குரங்கு அம்மையால் மீண்டுள்ளது குறிப்பிடத்தக்கது.