சம்பா: பாகிஸ்தான் சர்வதேச எல்லை வழியாக கடத்த முயன்ற போதைப்பொருள் மீட்கப்பட்டது. இந்தியா – பாகிஸ்தான் சர்வதேச எல்லை வழியாக போதைப்பொருள் கடத்த முயன்ற சதிச்செயலை எல்லை காவல்படையினர் முறியடித்திருக்கின்றனர். இன்று அதிகாலை காஷ்மீரின் சம்பா பகுதி எல்லை வழியாக கடத்த முயன்ற போதைப்பொருள் மீட்கப்பட்டது. கைப்பற்றப்பட்ட சுமார் 8 கிலோ போதைப்பொருள் ஹெராயினாக இருக்கக்கூடும் என தெரிவிக்கப்பட்டுள்ளது.
பாகிஸ்தானில் இருந்து இந்தியாவிற்குள் போதைப்பொருளை கடத்தி வந்த பாகிஸ்தான் கடத்தல்காரர் மீது பாதுகாப்புப்படை வீரர்கள் சுட்டனர். குண்டடி பட்டதும் போதைப்பொருளை போட்டுவிட்டு படுகாயத்துடன் அவர்கள் பாகிஸ்தானுக்குள் தப்பியோடிவிட்டதாக தெரிவிக்கப்பட்டுள்ளது. போதைப்பொருள் கடத்தல்காரர்கள் ஊடுருவல் முயற்சியையடுத்து சம்பா எல்லையில் பாதுகாப்பு பலப்படுத்தப்பட்டுள்ளது.