ரூ.9ல் விமான டிக்கெட்டா.. நம்மூரில் ஒரு குச்சி ஐஸ் கூட வாங்க முடியாதே..!

புரோமோஷனல் டிக்கெட்

இன்று நம்மூரில் உள்ள ரயில் நிலையங்களில் உள்ள பிளாட்பார்ம் டிக்கெட்களின் விலையை விட குறைச்சலா இருக்கே என்பது புரிகிறது. வியட்ஜெட் ஏர்லைன்ஸின் இந்த ஆஃபரானது 30,000 புரோமோஷனல் டிக்கெட்டுகளுக்கு மட்டுமே. இந்த டிக்கெட்கள் மூலம் ஆகஸ்ட் 15 முதல் மார்ச் 26 வரையில் பயணித்துக் கொள்ளலாம்.

எப்போது வரை புக் செய்யலாம்?

இதற்கான டிக்கெட்டுகளை ஆகஸ்ட் 4 முதல் ஆகஸ்ட் 26 வரையில் புக் செய்து கொள்ளலாம் என்றும் அறிவிக்கப்பட்டுள்ளது. இந்த ஆஃபரானது நாளை முடிவடையவுள்ளது குறிப்பிடத்தக்கது. ஒவ்வொரு புதன், வியாழன் மற்றும் வெள்ளிக்கிழமைகளில் டிக்கெட்டுகளை முன் பதிவு செய்யும்போது, இந்த விளம்பர டிக்கெட்டுகளுக்கு உரிமை பெற்றுக் கொள்ளலாம் என்றும் அறிவிக்கப்பட்டுள்ளது.

 

எங்கிருந்து எங்கு வரை?

இந்த சலுகையானது டெல்லி, மும்பை, அகமதாபாத் மற்றும் ஹைத்ராபாத் முதல் வியட்நாம் வரையில் பயணித்துக் கொள்ள முடியும். இதில் வியட்நாமின் தலை நகரான ஹனோய், ஹோ சி மின், டா நாங் மற்றும் ஃபூ குவோக் உள்ளிட்ட சுற்றுலா நகரங்களுக்கும் பயணித்துக் கொள்ளலாம்.

சுற்றுலா தலம்

இந்தியா வியட்நாமில் பயண சந்தையை வளர்ப்பதற்கும், இரு நாடுகளிலும் உள்ள தேவையை அதிகரிக்கும் விதமாக இத்தகைய சலுகையை அறிவித்திருப்பதாக வியட்நாம் தூதர் தெரிவித்துள்ளார். இந்திய சுற்றுலாப் பயணிகளிடையே வலுவான சுற்றுலா தலமாக வியட்நாம் உருவாகி வருவதாக வியட்நாமின் தூதர் பாம் சான் சாவ் சில தினங்களுக்கு முன்பு தெரிவித்திருந்தார்.

விசா நடைமுறையும் எளிது

இதற்கான விசா நடைமுறையும் தற்போது எளிமைப்படுத்தப்பட்டுள்ளது, இனி தூதரகத்திற்குச் செல்ல வேண்டிய அவசியமில்லை. தற்போது அதிக எண்ணிக்கையில் வியட்நாம் சென்று வர ஏராளமான விண்ணப்பங்கள் வருகின்றன. கொரோனாவுக்கு பிறகு சராசரியாக விசாக்களின் எண்ணிக்கை 24 மடங்கு அதிகரித்துள்ளதாகவும் கூறப்படுகிறது.