முஸ்லிம் மதத்தை சேர்ந்த 15 வயது சிறுமி ஒருவர் தனது பெற்றோர் எதிர்ப்பை மீறி கடந்த மார்ச் மாதம் அதே மதத்தை சேர்ந்த இளைஞர் ஒருவரை காதலித்து திருமணம் செய்துக்கொண்டார். இந்த திருமணம் இஸ்லாமிய மத முறைப்படி நடந்துள்ளது.
திருமணத்திற்கு பின்னர் அந்த இளைஞரும், சிறுமியும் கணவன் மனைவியாக வாழ்ந்து வந்துள்ளனர். இதனை தொடர்ந்து தனது மகளை திருமணம் செய்துகொண்ட இளைஞர் மீது சிறுமியின் பெற்றோர் காவல் நிலையத்தில் புகார் அளித்தனர்.
புகாரின் அடிப்படையில் விசாரணை நடத்திய போலீசார் சிறுமி 2006 ஆகஸ்ட் மாதம் பிறந்துள்ளதால் சிறுமிக்கு 15 வயது 5 மாதம் மட்டுமே ஆகிறது. எனவே அந்த இளைஞர் மீது போக்சோ வழக்கு பதிவு செய்யப்பட்டு சிறையில் அடைக்கப்பட்டார். மேலும், அந்த சிறுமியை இளைஞரிடமிருந்து மீட்ட போலீசார் பெற்றோரிடம் ஒப்படைத்தனர்.
சிறுமிக்கு நடத்திய மருத்துவ பரிசோதனையில், அவர் பாலியல் ரீதியான உறவில் இருந்ததும், அதனால் கர்ப்படைந்துள்ளதும் தெரியவந்தது. இந்த நிலையில், பெற்றோர் தன்னை அடித்து துன்புறுத்துவதாகவும், கணவருடன் சேர்த்து வைக்கக்கோரியும் சிறுமி டெல்லி உயர்நீதிமன்றத்தில் மனுத்தாக்கல் செய்திருந்தார்.
ராஜினாமா செய்யும் காங்கிரஸ் பிரமுகர்கள்..! – அதிர்ச்சியில் காங்கிரஸ் தலைமை..!!
சிறுமி தொடர்ந்த வழக்கு நேற்று நீதிபதி ஜஸ்மீட் சிங் அமர்வில் விசாரணைக்கு வந்தது. இருதரப்பு வாதங்களையும் கேட்ட நீதிபதி 15 வயதான சிறுமியை அவரது கணவருடன் வாழ அனுமதித்தார். மேலும், சிறுமிக்கு பாதுகாப்பு அளிக்கவும் நீதிபதி உத்தரவிட்டார்.
இஸ்லாமிய மதத்தின் முகமதியன் சட்டத்தின்படி, வயதுக்கு வந்த சிறுமி (இஸ்லாமிய மத சிறுமி) பெற்றோர் அனுமதி இல்லாமல் திருமணம் செய்துகொள்ளலாம். மேலும், சிறுமிக்கு 18 வயது பூர்த்தியாகவில்லை என்றாலும் அவர் தனது கணவருடன் சேர்ந்து வாழலாம் என நீதிபதி தெரிவித்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தம்பதி காதலித்து இஸ்லாமிய சட்டத்தின்படி திருமணம் செய்துகொண்டுள்ளனர் அதனால், சிறுமியின் கணவர் மீது போடப்பட்டுள்ள போக்சோ வழக்கு இந்த விவகாரத்திற்கு பொருந்தாது எனவும், இது பாலியல் தொல்லை வழக்கு கீழ் வராது எனவும் தெரிவித்தார். 15 வயது சிறுமியின் திருமணம் செல்லும் என கூறி சிறுமியை அவரது கணவருடன் வாழ அனுமதித்து டெல்லி உயர்நீதிமன்றம் பிறப்பித்துள்ள இந்த உத்தரவு பரபரப்பை ஏற்படுத்தியுள்ளது.