இந்தியர்கள் அதிகம் செல்ல விரும்பும் நாடுகளின் பட்டியலில் அமெரி்க்காதான் இன்றும் முதலிடத்தில் இருந்து வருகிறது. டாலர் தேசத்தின் மீதான மோகத்தால் பணி நிமித்தமாக அங்கு சென்று, அப்படியே காலப்போக்கில் கிரீன் கார்டு வாங்கி செட்டில் ஆகிலிடும் இந்தியர்கள் அதிகம். இப்படிதான் அமெரிக்காவில் லட்சக்கணக்கான இந்தியர்கள் என்ஆர்ஐகளாக அமெரிக்காவில் வசித்து வருகின்றனர்.
அமெரிக்காவில் பல்வேறு தனியார், கார்ப்பரேட் நிறுவனங்களின் உயர்பதவிகளை வகித்துவரும் இந்தியர்களுக்கு, தமது தலைமையிலான அரசு நிர்வாகத்தில் உயர் பொறுப்புகளை கொடுத்து அழகுப் பார்த்துள்ளார் ஜோ பைடன். நம்மவர்கள் குறித்த இந்த பெருமைகளை எல்லாம் தகர்த்தெறிவது போன்ற ஒரு சம்பவம் டெக்சாஸ் மாகாணத்தில் நிகழ்ந்துள்ளது.
அங்குள்ள ஒரு இரவு விடுதியின் கார் பார்க்கிங் ஏரியாவில், அமெரிக்க வாழ் இந்திய பெண்கள் நான்கு பேர் நேற்றிரவு நின்று கொண்டிருந்துள்ளனர். அப்போது அங்கு வந்த ஒரு பெண், கூட்டமாக நின்று கொண்டிருந்த இந்திய பெண்களை பார்த்து, ‘இந்தியாவில் தான் எல்லா வசதியும் இருக்குதே.. அப்புறம் ஏன் அமெரிக்காவுக்கு வந்தீங்க… இந்தியாவுக்கே திரும்பி போங்க’ ஆவேசமாக கூச்சலிட்டுள்ளார்.
மீண்டும் சர்ச்சையில் சிக்கிய பின்லாந்து பிரதமர் சன்னா மரின்..!- வெளியான மற்றொரு படம்..!
இதனால் அதிர்ச்சி அடைந்த இந்திய பெண்கள், அந்த அதிர்ச்சியில் இருந்து மீள்வதற்குள் அவர்களை அந்த பெண் கண்மூடித்தனமாக தாக்கி உள்ளார். இதில் நான்கு பெண்களும் படுகாயம் அடைந்துள்ளனர். அமெரிக்க வாழ் இந்திய பெண்களை, தனியாக வந்த பெண் ஒருவர் தாக்கும் காட்சிகள் அடங்கிய வீடியோ சமூக வலைதளங்களில் தற்போது வைரலாகிறது.
உலக அளவில் பெரும் அதிர்ச்சியை ஏற்படுத்தி உள்ள இந்த தாக்குதல் சம்பவத்தில் ஈடுபட்ட வடஅமெரிக்க நாடான மெக்சிகோவை சேர்ந்த பெண்ணை போலீசார் கைது செய்துள்ளனர். நிறவெறி காரணமாக இந்த தாக்குதல் நிகழ்ந்திருக்கலாம் என்று போலீசாரின் முதல்கட்ட விசாரணையில் தெரிய வந்துள்ளது.