நாங்குநேரி: நெல்லை மாவட்டம், மூலைக்கரைப்பட்டி அருகே உள்ள எடுப்பல் கிராமத்தில் ஊய்க்காட்டு சுடலை ஆண்டவர் கோயில் கொடை விழா கடந்த 25, 26ம் தேதிகளில் நடந்தது. இதையொட்டி எல்இடி அலங்கார பல்புகள் அமைக்கப்பட்டிருந்தது. அதில் சில எல்.இ.டி பல்புகள் பழுந்தடைந்ததாக கூறப்படுகிறது. இதனால் கோயில் கொடை விழாவிற்கு வந்திருந்த ஆண்கள், பெண்கள், சிறுவர்கள் உள்ளிட்ட 100க்கும் மேற்பட்டோருக்கு ஒளியால் கண் பாதிப்பு ஏற்பட்டது. கண்ணில் பார்வை மங்கல், வீக்கம், நீர் வடிதலால் பாதிக்கப்பட்டவர்கள் சிகிச்சை பெற்றனர்.
