செல்வராகவன் நடிப்பில் மிரட்டலாக வெளியானது 'பகாசுரன்' பட டீசர்!

தற்போது இந்த படத்தின் டீசர் வெளியாகி ரசிகர்களை வெகுவாக கவர்ந்துள்ளது.  இதில் எதிரிகளை கொலை செய்பவராக செல்வராகவன் மிரட்டலாக காட்சியளிக்கிறார், நட்டி கொலைகளுக்கான காரணங்களை கண்டறியும் சிறப்பு போலீஸ் அதிகாரியாக காட்சியளிக்கிறார்.  இதில் இடம்பெற்றுள்ள சில காட்சிகளை வைத்து பார்க்கும்பொழுது காதல் எனும் மாயவலையில் சில கயவர்கள் பெண்களிடம் ஆசை வார்த்தை கூறி சீரழிப்பது தொடர்ப்பதாக கதை அமைந்திருக்கிறது என்று புலப்படுகிறது.  அவ்வாறு பெண்களின் வாழ்க்கையை நாசமாக்குபவர்களை செல்வராகவன் தண்டிக்கிறாரரோ என்று தோன்றுகிறது.  இதனை கிட்டத்தட்ட உறுதிப்படுத்தும் விதமாக குழந்தைகள் கதவை பூட்டிக்கொண்டு அவர்களது செல்போனில் என்ன செய்கிறார்கள் என்பதை பெற்றோர்கள் கவனித்தால் தான் இதுபோன்ற குற்றங்கள் குறையும் என்று நட்டி கூறும் வசனம் அமைந்துள்ளது.

ஏற்கனவே மோகன்.ஜி இயக்கத்தில் வெளியான திரௌபதி படமும் நாடக காதலை மையமாக வைத்து தான் எடுக்கப்பட்டு இருந்தது என்பது குறிப்பிடத்தக்கது.  ஜி எம் பிலிம் கார்ப்பரேஷன் தயாரிக்கும் இந்த படத்தில் ராதாரவி, தாராக்ஷி, தேவதர்ஷினி, ராஜன் போன்ற பலர் நடித்துள்ளனர்.  மேலும் இப்படத்திற்கு சாம் சிஎஸ் இணையமைத்துள்ளார்.