விஜயகாந்த் பெண் காவலருக்கு சல்யூட் செய்த புகைப்படம் வைரல்
பெண் காவலருக்கு மரியாதை செய்த விஜயகாந்தின் புகைப்படத்தை பார்த்து நெகிழ்ச்சியடைந்த ரசிகர்கள்
தேமுதிக தலைவர் விஜயகாந்த் பாதுகாப்பு பணியில் இருந்த பெண் காவலருக்கு சல்யூட் செய்து மரியாதை கொடுத்த புகைப்படம் வைரலாகியுள்ளது.
நடிகரும், தேமுதிக தலைவருமான விஜயகாந்த் தனது 70வது பிறந்த நாளை சமீபத்தில் கொண்டாடினார்.
உடல்நிலை பாதிக்கப்பட்டதால் அவரால் சரியாக பேச முடியாதது ரசிகர்கள், தொண்டர்கள் என பலரையும் வேதனையடையச் செய்துள்ளது.
அவரது பிறந்த நாளின்போது கட்சி அலுவலகத்தின் முகப்பு பகுதியில் அமர்ந்து அனைவரையும் பார்த்து கையசைத்தார்.
தொண்டர்கள், ரசிகர்களை சந்தித்த பின்னர் அலுவலகத்தில் இருந்த விஜயகாந்தை பார்த்து பெண் காவலர் ஒருவர் சல்யூட் அடித்தார். அதற்கு விஜயகாந்தும் சல்யூட் செய்து மரியாதை கொடுத்தார்.
பாதுகாப்பு பணியில் இருந்த பெண் காவலருக்கு விஜயகாந்த் சல்யூட் செய்த புகைப்படத்தை பார்த்து நெகிழ்ச்சியடைந்த அவரது ரசிகர்களும், தொண்டர்களும் சமூக வலைதளத்தில் வைரலாக்கி வருகின்றனர்.
