அஜித் 62வது படத்தில் ஐஸ்வர்யா ராய்?
தற்போது எச்.வினோத் இயக்கி வரும் தனது 61வது படத்தில் நடித்து வருகிறார் அஜித்குமார். இந்த படத்தில் அவருக்கு ஜோடியாக மலையாள நடிகை மஞ்சுவாரியர் நடிக்கிறார். இதையடுத்து விக்னேஷ் சிவன் இயக்கும் தனது 62வது படத்தில் வருகிற டிசம்பர் மாதம் முதல் நடிக்கிறார் அஜித். லைகா நிறுவனம் தயாரிக்கும் இந்த படத்தில் அஜித்துக்கு ஜோடியாக விஸ்வாசம் படத்திற்கு பிறகு மீண்டும் நயன்தாரா நடிப்பதாக தகவல்கள் வெளியாகின. ஆனால் தற்போது இப்படத்தில் நாயகியாக ஐஸ்வர்யா ராய் நடிக்க இருப்பதாக கூறப்படுகிறது.
அது குறித்து அவரிடத்தில் பேச்சுவார்த்தை நடைபெற்று வருவதாகவும் செய்திகள் வெளியாகி உள்ளன. இதற்கு முன்பு அஜித்துடன் 2000ம் ஆண்டில் வெளியான கண்டு கொண்டேன் கண்டுகொண்டேன் படத்தில் நடித்த ஐஸ்வர்யா ராய், 23 ஆண்டுகளுக்கு பிறகு மீண்டும் இணையப்போகிறார். என்றாலும் இப்படத்தில் அஜித் ஜோடியாக ஐஸ்வர்யா ராய் நடிப்பதை படக்குழு இன்னும் உறுதிப்படுத்தவில்லை.