வெளிநாடு ஒன்றிற்குள் நுழைய முயன்ற ஒரு பிரித்தானியப் பெண்ணை மோப்ப நாய் ஒன்று காட்டிக்கொடுத்தது.
சோதனையில், அவரிடம் 10 கிலோ போதைப்பொருள் இருப்பது தெரியவந்துள்ளது.
மெக்சிகோவின் Cancun விமான நிலையத்துக்குள் நுழைய முயன்ற பிரித்தானியப் பெண் ஒருவரின் உடைமைகள் மீது மோப்ப நாய் ஒன்று ஆர்வம் காட்டியுள்ளது.
அதைத் தொடர்ந்து அதிகாரிகள் அவரது உடைமைகளை சோதனையிட்டார்கள்.
அப்போது அவர் தன் பையில் சுமார் 10 கிலோ எடையுள்ள போதைப்பொருளை மறைத்து வைத்திருப்பது தெரியவந்தது. அது கொக்கைனாக இருக்கலாம் என கருதப்படுகிறது.
அந்தப் பெண் கைது செய்து காவலில் அடைக்கப்பட்டுள்ள நிலையில், அடுத்த சில வாரங்களில் நீதிமன்றத்தில் ஆஜர் செய்யப்படுவார்.
குற்றம் நிரூபிக்கப்படும் பட்சத்தில், அவர் 10 ஆண்டுகள் வரை சிறை செல்ல நேரிடும்.
