சாத்தான்குளம் : பன்னம்பாறையில் மின்னல் தாக்கியதில் 5ஆடுகள் பலியாயின. சாத்தான்குளம் பகுதியில் நேற்று திடீரென மழை பெய்தது. இந்த மழையின் இடையே கடுமையான இடி இடித்து மின்னல் தாக்கியது. இதில் பன்னம்பாறையில் மேய்ந்து கொண்டிருந்த சொக்கலிங்கம் மகன் மந்திரம் என்பவரது 5ஆடுகள் மீது மின்னல் தாக்கியது. இதில் 5ஆடுகளும் கருகி சம்பவ இடத்திலேயே இறந்தன. இதுகுறித்து தகவல் அறிந்து சாத்தான்குளம் தாசில்தார் தங்கையா தலைமையிலான வருவாய்துறையினர் சம்பவ இடத்தை பார்வையிட்டனர்.
