48 வருட திரையுலக பயணத்தை கொண்டாடிய பாலகிருஷ்ணா
தெலுங்கு சினிமாவில் கடந்த நாற்பது வருடங்கலுக்கு மேலாக கதாநாயகனாகவே நடித்து வருபவர் நடிகர் பாலகிருஷ்ணா. இதுவரை கதாநாயகனாகவே 106 படங்களை வெற்றிகரமாக முடித்துள்ளார். இப்போதும் இளம் நடிகர்களுக்கு சவால் விடும் வகையில் ஆக்சன் படங்களில் மட்டுமே தொடர்ந்து நடித்து வருகிறார் பாலகிருஷ்ணா. இதற்கு முன்னதாக பாலகிருஷ்ணாவின் நடிப்பில் வெளியான அகாண்டா திரைப்படம் மாபெரும் வெற்றி பெற்றது.
தற்போது பிரபல இயக்குனர் கோபிசந்த் மாலினேனி டைரக்ஷனில் தனது 107-வது படத்தில் நடித்து வருகிறார் பாலகிருஷ்ணா. இந்த படத்தில் கதாநாயகியாக ஸ்ருதிஹாசன் நடிக்கிறார். நேற்றோடு பாலகிருஷ்ணா திரையுலகில் நுழைந்து நாற்பத்தி எட்டு வருடங்கள் ஆகிவிட்டது. பாலகிருஷ்ணாவின் முதல் படம் 1974ல் டனமாகாலா வெளியானது. இதை இயக்குனர் கோபிசந்த் மாலினேனி மற்றும் நடிகை ஸ்ருதிஹாசன் ஆகியோருடன் சேர்ந்து கொண்டாடியுள்ளார் பாலகிருஷ்ணா.