வெவ்வேறு கண்டங்களில் இருந்து திரும்பி வந்தாலும், சேரும் இடம் எப்போதும் தமிழ்நாடு தான் என்று இசைஞானி இளையராஜாவுடன் உள்ள வீடியோவை இசைப்புயல் ஏ.ஆர்.ரஹ்மான் பகிர்ந்துள்ளார்.
ஹங்கேரி நாட்டிற்கு சுற்றுப்பயணம் சென்றிருந்த இளையராஜா அண்மையில் அவர் தங்கியிருந்த விடுதி அறையில் இருந்த எடுத்த புகைப்படங்களை தனது டுவிட்டர் பக்கத்தில் பகிர்ந்திருந்தார். அதற்கு நெட்டிசன்கள் மத்தியில் நல்ல வரவேற்பு கிடைத்தது.
அதே போல் இசைப்புயல் ஏ.ஆர்.ரகுமான் அமெரிக்கா சென்றிருந்தார். இந்நிலையில் இளையராஜாவுடன் பேட்டரி வாகனத்தில் தான் பயணிக்கும் வீடியோ ஒன்றை இன்ஸ்டாகிராமில் ஏ.ஆர்.ரஹ்மான் பகிர்ந்துள்ளார்.
நாங்கள் இருவரும் வெவ்வேறு கண்டங்களில் இருந்து திரும்புகிறோம். ஆனால் எங்கள் இலக்கு எப்போதும் தமிழ்நாடு தான் என்று ஏ.ஆர்.ரஹ்மான் கேப்ஷனில் பதிவிட்டுள்ளார். தான் அமெரிக்காவில் இருந்தும் இளையராஜா ஹங்கேரியில் இருந்தும் திரும்புவதாக அவர் குறிப்பிட்டுள்ளார். இந்த வீடியோ இணையத்தில் வைரலாகி வருகிறது.
newstm.in