சுவிட்சர்லாந்தில் தன் நாயைக் காப்பாற்ற நதியில் குதித்தார் ஒரு பெண்.
அவரைக் காப்பாற்ற நதியில் குதித்த ஒரு ஆணும் மரணமடைந்தார்.
நேற்று காலை, ஜெனீவாவிலுள்ள Arve நதியில் விழுந்த தன் நாயைக் காப்பாற்றுவதற்காக தண்ணீரில் குதித்தார் ஒரு 29 வயது பெண்.
அவர் தண்ணீரில் அடித்துச் செல்லப்படுவதைக் கண்ட ஒரு ஆண், அந்த பெண்ணைக் காப்பாற்றுவதற்காக தண்ணீரில் குதித்துள்ளார்.
ஆனால், அவரும் தண்ணீரில் அடித்துச் செல்லப்பட, நேற்று இரவு, இருவரும் சடலமாகத்தான் மீட்கப்பட்டார்கள்.
விடயம் என்னவென்றால், அந்த பகுதியில் சிறிய நீர் மின் நிலையம் ஒன்று உள்ளது.
ஆகவே, அவர்கள் இருவரும் நதியில் குதித்தபோது, அந்த நீர் மின் நிலையத்திலிருந்து தண்ணீருக்குள் மின்சாரம் கசிந்ததா, அதனால் அவர்கள் இருவரும் உயிரிழந்தார்களா என்பதைக் கண்டறிவதற்காக பொலிசார் விசாரணை ஒன்றைத் துவக்கியுள்ளார்கள்.