ஒவ்வொரு மாதமும் ஜிஎஸ்டி வசூல் குறித்த தகவலை மத்திய நிதி அமைச்சகம் தெரிவித்து வரும் நிலையில் இந்த கடந்த ஆகஸ்ட் மாதத்திற்கான ஜிஎஸ்டி வசூல் குறித்த தகவலை சற்று முன் மத்திய நிதி அமைச்சகம் தெரிவித்துள்ளது.
2022ஆம் ஆண்டு ஆகஸ்ட் மாதத்தில் மட்டும் கடந்த ஆண்டைவிட 28% ரூ.1.43 லட்சம் கோடியை எட்டியுள்ளது என மத்திய நிதி அமைச்சகம் தெரிவித்துள்ளது. ஆனால் அதே நேரத்தில் கடந்த ஜூலை மாத ஜிஎஸ்டி வசூலுடன் ஒப்பிடும் போது ஆகஸ்ட் மாதத்தில் 4 சதவீதம் ஜிஎஸ்டி வசூல் குறைவு என்பது குறிப்பிடத்தக்கது.
மேலும் தொடர்ந்து ஐந்தாவது மாதமாக ஜிஎஸ்டி வரி வசூல் 1.40 லட்சம் கோடிக்கு மேல் அதிகமாக உள்ளது என்றும், கடந்த 2021 ஆம் ஆண்டு ஆகஸ்ட் மாதத்தில் ஜிஎஸ்டி வசூல் ஒரு லட்சத்து 12 ஆயிரத்து 20 கோடியாக இருந்த நிலையில் தற்போது அதைவிட 28 சதவீதம் அதிகரித்து ஒரு லட்சத்து 43 ஆயிரத்து 612 கோடி வசூல் ஆகி உள்ளதாக மத்திய நிதி அமைச்சகம் தெரிவித்துள்ளது.