ஷாக்.. பத்மஸ்ரீ விருது பெற்ற பெண்ணுக்கே இந்த நிலைமை.. மருத்துவமனையில் கட்டாயப்படுத்தி நடனம்

இந்நிலையில் தான் கமலா பூஜாரிக்கு உடல் நலக்குறைவு ஏற்பட்டது. அவர் சிறுநீரக கோளாறால் பாதிக்கப்பட்டார். இதையடுத்து கட்டாக்கில் உள்ள எஸ்சிபி மருத்துவக் கல்லூரி மற்றும் மருத்துவமனையில் அனுமதிக்கப்பட்டார். அவர் விரைவில் குணமடைய முதல்வர் நவீன் பட்நாயக் வாழ்த்து தெரிவித்துள்ளார். அரசு மருத்துவமனையில் அவருக்கு டாக்டர்கள் தீவிர சிகிச்சை அளித்தனர்.

இந்நிலையில் அவர் உடல்நலம் குணமாகி வீடு திரும்பியுள்ளார். இந்நிலையில் தான் ஐசியூவில் கமலா பூஜாரியை நடனம் ஆட வற்புறுத்தப்பட்டதாக தகவல்கள் வெளியாகி உள்ளன. இதுதொடர்பான வீடியோ தற்போது இணையதளங்களில் வெளியாகி வேகமாக பரவி வருகிறது. அதில் கமலா பூஜாரி, சமூக சேவகர் மம்தா பெஹரா உள்ளிட்டவர்கள் நடனமாடுகின்றனர்.

இதுபற்றி கமலா பூஜாரி கூறுகையில், ‛‛நான் ஒருபோதும் நடனமாட விரும்பவில்லை. ஆனால் அதைச் செய்ய வேண்டிய கட்டாயம் ஏற்பட்டது. நான் பலமுறை மறுத்தேன். ஆனால் அவர் (மம்தா பெஹெரா) கேட்கவில்லை. நான் உடல்நிலை சரியில்லாமல் சோர்வாக இருந்த நிலையில் நடனமாட கூறினர்” என்றார். இது தற்போது சர்ச்சையை கிளப்பி உள்ளது.

இதுபற்றி மருத்துவமனை பதிவாளர் டாக்டர் அபினாஷ் ரவுத் கூறுகையில், ‛‛கமலா பூஜாரியை நடனமாட செய்ததாக கூறப்படும் பெண் அவர் அனுமதிக்கப்பட்ட சிறப்பு அறைக்கு சென்றது உண்மை என கூறியுள்ளார்” என்றார். இதுபற்றி மம்தா பெஹெரா கூறுகையில், ‛‛கமலா பூஜாரி மிகவும் உற்சாகமின்றி இருந்தார். அவரை உற்சாகப்படுத்ததே இதனை செய்தோம்” என கூறியுள்ளார்.

இருப்பினும் மம்தா பெஹெராவின் செயலுக்கு கடும் எதிர்ப்பு கிளம்பியுள்ளது. இந்த விஷயத்தில் அரசு உரிய நடவடிக்கை எடுக்க வேண்டும் என்ற கோரிக்கை எழுந்துள்ளது. இதுபற்றி பழங்குடியின சங்க தலைவர் ஹரிஷ் முதுலி கூறுகையில், ‛‛இந்நிலையில் சமூக சேவகர் மம்தா பெஹெரா மீது அரசு நடவடிக்கை எடுக்க வேண்டும். இல்லாவிட்டால் தொடர்ந்து போராட்டம் நடத்தப்படும்” என கூறியுள்ளார்.