கேரளா மாநிலம் இடுக்கி, மாங்குளம் பகுதியில் புலியின் நடமாட்டம் இருப்பதாக பொதுமக்கள் அச்சத்தில் இருந்து வந்துள்ளனர். அப்பகுதி பொதுமக்களின் வீடுகளில் வளர்த்து வரும் கால்நடைகளையும் தினசரி புலி தாக்கி கொன்று வந்துள்ளது. இதையடுத்து அப்பகுதி மக்கள் மாவட்ட வனத்துறையிடம் முறையிட்டு புலி பிடிப்பதற்கான கூண்டுகளும் அமைக்கப்பட்டன, எனினும் புலி அதில் சிக்காமல் இருந்த நிலையில், அம்பதாம்பதி மலையோர பகுதியை சார்ந்த கோபாலன் என்ற கூலி தொழிலாளி காட்டு வேலைக்காக சென்று கொண்டிருந்தபோது. இவரை புலி திடீரென இவரை தாக்கியுள்ளது.
இதில் பலத்த காயம் அடைந்த கோபாலனை மீண்டும் புலி தாக்க வந்தபோது உயிரை காப்பாற்றி கொள்ள கையில் இருந்த கத்தியால் புலியை வெட்டியுள்ளார்.இதில் புலியின் முகத்தில் வெட்டப்பட்டுள்ளது, காயமடைந்ததும் புலியை கோபாலனை விட்டுவிட்டு சிறுது தூரம் சென்றதும் கீழே விழுந்து பலியாகியது.
இதைத் தொடர்ந்து பலத்த காயமடைந்து கிடந்த கோபாலனை அப்பகுதி பொதுமக்கள் மீட்டு மருத்துவமனைக்கு அனுப்பி வைத்தனர். தகவல் அறிந்து சம்பவ இடம் வந்த வனத்துறையினர் புலியின் உடலை மீட்டு பிரேத பரிசோதனைக்காக அனுப்பி வைத்துள்ளனர். தொடர்ந்து இது குறித்து வழக்கு பதிவு செய்து விசாரணை நடத்தப்படும் என வனத்துறையினர் தெரிவித்துள்ளனர்.