ஓ.பன்னீர்செல்வம் டுவிட்டர் டிரெண்டில் ‘தொண்டர்கள்’ என டிரென்ட் செய்துள்ளார். இரண்டு தினங்களாக டுவிட்டரில் ஒற்றை வார்த்தை டிரென்ட் ஆகி வருகிறது. இதில் தமிழக அரசியல் தலைவர்களும் இந்த டுவிட்டர் ட்ரெண்டில் பங்கெடுத்து தங்கள் கட்சியினரையும் மக்களையும் குஷிப்படுத்தி வருகின்றனர்.
இந்த ட்ரெண்டில் முதல்வர் ஸ்டாலின் ‘திராவிடம்’ என டிரென்ட் செய்துள்ளார். அதனை தொடர்ந்து பழனிசாமி ‘தமிழ்நாடு’ எனவும், மருத்துவர் ராமதாஸ் ‘சமூகநீதி’ எனவும், சீமான் ‘தமிழ்த்தேசியம்’ எனவும், அண்ணாமலை ‘தமிழன்’ எனவும், டிடிவி தினகரன் ‘அம்மா’ எனவும், சசிகலா ‘ஒற்றுமை’ எனவும் பதிவிட்டுள்ளனர்.
இதனை தொடர்ந்து ஓ.பன்னீர்செல்வமும் இந்த டுவிட்டர் டிரெண்டில் இணைந்துள்ளார். டுவிட்டர் ஒற்றை வார்த்தை ட்ரெண்டில் அவர் ‘தொண்டர்கள்’ என டிரென்ட் செய்துள்ளார். இது தமிழக அரசியல் வட்டாரத்தில் பேசு பொருள் ஆகி உள்ளது.