முழு நேர அரசியலுக்கு
திரும்ப வேண்டும் என்று இந்து சமய அறநிலையத் துறை அமைச்சர் சேகர் பாபு பேசியுள்ளார் . தயாளு அம்மாள் தொண்டு நிறுவனத்தின் சார்பில் நலத்திட்ட உதவிகள் வழங்கும் நிகழ்ச்சியில்
எம்எல்ஏவும், திமுக இளைஞரணி செயலாளருமானஉதயநிதி ஸ்டாலின் பங்கேற்றார்.
சென்னை துறைமுகம் பகுதி திமுக சார்பில் உடன் பிறப்பே எங்கள் உயிர்ச்சொல் என்னும் தலைப்பில் நிகழ்ச்சி நடைபெற்றது. பிராட்வே டான் பாஸ்கோ பள்ளியில் நடைபெறும் நிகழ்ச்சியில் 165 தையல் இயந்திரம், 70 லேப்டாப், 550 பேருக்கு தலா 5 ஆயிரம் ரூபாய் கல்வி உதவித் தொகை, 9 ஆட்டோக்கள் உள்ளிட்ட நலத்திட்ட உதவிகளை பெண்களுக்கு திமுக இளைஞர் அணி செயலாளர் உதயநிதி ஸ்டாலின் வழங்கினார்.
நிகழ்ச்சியில்இந்து சமய அறநிலையத் துறை அமைச்சர் சேகர் பாபு, சென்னைமேயர் பிரியா, சட்ட மன்ற உறுப்பினர் தாயகம் கவி உள்ளிட்ட திமுகவினர் பலர் பங்கேற்றனர். அப்போது பேசிய அமைச்சர் சேகர் பாபு, “முழு நேர அரசியலுக்கு உதயநிதி திரும்ப வேண்டும். தமிழ்நாடு முழுவதும் பெரும் இளைஞர் கூட்டமே காத்துக் கொண்டிருக்கிறது.
சேப்பாக்கம்-திருவில்லிக்கேணி தொகுதி மட்டும் அல்ல; 234 சட்டமன்ற தொகுதியும் உங்கள் தொகுதி தான். ஆகவே இன்னும் வேகமாக நீங்கள் பயணிக்க வேண்டும்.” என்று அமைச்சர் சேகர் பாபு பேசியுள்ளார்.
முழு நேர அரசியலுக்கு உதயநிதி ஸ்டாலின் திரும்ப வேண்டும் என்று இந்து சமய அறநிலையத் துறை அமைச்சர் சேகர் பாபு பேசி இருப்பது அரசியல் வட்டாரத்தில் கவனிக்கப்பட்டு வருகிறது.