ராஷ்மிகா மந்தனாவின் குட் பை படத்தின் பர்ஸ்ட் லுக் வெளியானது
தமிழில் விஜய்க்கு ஜோடியாக வாரிசு படத்தில் நடித்து வரும் ராஷ்மிகா மந்தனா, தெலுங்கு, ஹிந்தியில் பல படங்களில் நடித்து வருகிறார். ஹிந்தியில் மட்டும் அமிதாப்பச்சனுடன் இணைந்து குட்பை, சித்தார்த் மல்கோத்ராவுடன் மிஷன் மஜ்னு, ரன்வீர் சிங்குடன் அனிமல் மற்றும் டைகர் ஷெராபுடன் ஒரு படம் என நான்கு படங்களில் நடித்து வருகிறார்.
இந்த நிலையில் தற்போது அமிதாப்பச்சனுடன் இணைந்து அவர் நடித்துள்ள குட்பை படத்தின் பர்ஸ்ட் லுக் போஸ்டர் வெளியிடப்பட்டுள்ளது. அந்த போஸ்டரில் அமிதாபச்சனும், ராஷ்மிகாவும் தந்தை- மகள் தோற்றத்தில் காணப்படுகிறார்கள். அமிதாபச்சன் பட்டம் பறக்க விட்டுக் கொண்டிருக்க அதை அருகில் நின்று பார்த்துக் கொண்டிருக்கிறார் ராஷ்மிகா மந்தனா . இந்த ப்ர்ஸ்ட் லுக் போஸ்டர் தற்போது சோசியல் மீடியாவில் வைரலாகி வருகிறது. அக்டோபர் 7ஆம் தேதி இப்படம் திரைக்கு வருவதாக அறிவிக்கப்பட்டுள்ளது.