மத்திய பாஜக அரசை கண்டித்து இன்று டெல்லி ராம்லீலா மைதானத்தில் ராகுல் காந்தி தலைமையில் கண்டன ஆர்ப்பாட்டம் நடைபெற்றது. இதில் பேசிய ராகுல் காந்தி “பணவீக்கத்தால் மக்கள் பாதிக்கப்பட்டுள்ளனர். இந்த பிரச்னைகளுக்கு பிரதமர் மட்டுமே பொறுப்பு. பணவீக்கத்திற்கு எதிராக நாங்கள் குரல் கொடுப்போம். அதை ராஜா (பிரதமர்) கேட்டுத்தான் ஆக வேண்டும்” என்று பேசியுள்ளார்.
தொடர்ந்து பேசிய அவர் “இந்தியாவில் பணவீக்கம் குறித்த அச்சம், வேலையில்லா திண்டாட்டம் அதிகரித்து வருகிறது; இதனால் நாட்டில் வெறுப்பு அதிகரித்து வருகிறது” மோடி தலைமையிலான பா.ஜ.க அரசு ஆட்சிக்கு வந்ததில் இருந்தே வேலையின்மை அதிகரித்துள்ளது. அதே போல் பொருளாதாரமும் கடும் சரிவைச் சந்தித்துள்ளது. மக்கள் விலைவாசி உயர்வால் அவதிப்பட்டு வரும் வேலைலும் பெட்ரோல், டீசல், சிலிண்டர் போன்ற வற்றின் விலைகளை ஒன்றிய அரசு தொடர்ச்சியாக உயர்த்தி வருகிறது.
இது தவிர நாட்டின் வளங்களை தனியாருக்கு ஒன்றிய அரசு விற்பனை செய்து வருகிறது. இதன் காரணமாக இந்தியாவில் தனியார்கள் வளர்ந்து மக்கள் அதிகம் பாதிக்கப்பட்டு வருகிறார்கள். இந்த நிலையில், ராகுல்
காந்தி, தனது ட்விட்டர் பக்கத்தில் மோடியை கடுமையாக விமர்சித்துள்ளார்.தனது ட்விட்டர் பக்கத்தில் ராகுல் காந்தி , “ராஜா தனது நண்பர்களுக்கு சம்பாதித்து தருவதற்காக ஓய்வில்லாமல் உழைக்கிறார். மக்களோ விலைவாசி உயர்வால் தவிக்கிறார்கள். இன்றெல்லாம் ஒரு பொருளை வாங்குவதற்க்கு முன் 10 முறை மக்கள் யோசிக்க வேண்டியுள்ளது. இந்த பிரச்னைக்கு முக்கிய காரணம் பிரதமர் மோடிதான். நம் குரல் ராஜாவுக்கு எட்டும் வரை விலைவாசி உயர்வுக்கு எதிராக நாம் தொடர்ந்து குரல் கொடுப்போம் ” என்று கூறியுள்ளார்.
கன்னியாகுமரியில் இருந்து காஷ்மீர் வரை 3,500 கிமீ பயணத்தை ராகுல் காந்தி செப்டம்பர் 7 ஆம் தேதி தொடங்குகிறார். இதற்கான ஏற்பாட்டில் காங்கிரஸ் கட்சி தீவிரமான பணியாற்றி வருகிறது. இந்த நிலையில் இதுபோன்ற விமர்சனத்தை ராகுல் காந்தி பாஜகவை எதிர்த்து கடுமையாக விமர்சித்துள்ளார்.
“தேசிய ஒற்றுமை பயணம்” எனும் பெயரில் ராகுல் காந்தி மேற்கொள்ள இருக்கும் பயணத்தின் முன்பாக ராகுல் காந்தி இப்படி பேசி இருப்பது அரசியல் வட்டாரத்தில் பெரும் பரபரப்பை ஏற்படுத்தியுள்ளது.