உக்ரைன் நாட்டு போரின் போதும், கொரோனா வைரஸ் பாதிப்பின் போதும் இந்தியா தங்களுக்கு பெரும் உதவி செய்ததாக வங்க தேச பிரதமர் ஷேக் ஹசினா தெரிவித்துள்ளார். விரைவில் இந்தியாவிற்கு சுற்றுப்பயணம் மேற்கொள்ள உள்ளதாகவும் ஷேக் ஹசினா தெரிவித்துள்ளார்.
உக்ரைன் நாட்டின் போரின் பொது இந்திய மாணவர்களை மீட்டது போலவே வங்க தேச மாணவர்களையும் மீட்டதாக நெகிழ்ந்து பேசியுள்ளார் ஹசினா. இரு நாடுகளுக்கு இடையே நட்பு ரீதியான நல்லிணக்கம் நிலவுவதாகவும் கூறியுள்ளார்.
மேலும் பேசிய அவர் ரோஹிங்கியாக்கள் வங்கதேச நாட்டிற்கு பெரும் சுமையாக உள்ளனர் என ஷேக் ஹசினா கவலை தெரிவித்துள்ளார். தனியார் “செய்தி நிறுவனத்திற்கு ஷேக் ஹசினா பேட்டி அளித்தார். அதில், ரோஹிங்கிய இஸ்லாமியர்கள் குடியேற்றம் குறித்து அவர் முக்கிய கருத்து தெரிவித்துள்ளார். அவர் பேட்டியில் கூறியதாவது, “இந்தியா பெரிய நாடு. இந்தியாவால் பலரை வைத்துக்கொள்ள முடிவும். ஆனால் இந்தியாவில் அந்த அளவுக்கு ரோஹிங்கியாக்கள் இல்லை. ஆனால் எங்கள் நாடு அந்த அளவுக்கு பெரிய நாடு இல்லை.
அதேவேளை, இப்போது 11 லட்சம் ரோஹிங்கியாக்கள் வங்கதேசத்தில் உள்ளனர். இது எங்களுக்கு பெரும் சுமை. எனவே, சர்வதேச சமூகம், நட்பு நாடுகளுடன் இணைந்து நாங்கள் பேச்சு வார்த்தை நடத்தி வருகிறோம். அவர்களை சொந்த நாட்டில் மீண்டும் சேர்க்க முயற்சிகள் நடைபெறுகிறது. மனிதாபிமான அடிப்படையில் நாங்கள் உணவு, உறைவிடம் உள்ளிட்ட அனைத்து வசதிகளையும் செய்து வைத்துள்ளோம். கோவிட் காலத்தில் அவர்களுக்கும் தடுப்பூசி செலுத்தப்பட்டது.” என்று ஷேக் ஹசினா தெரிவித்துள்ளார்.