சென்னை: பொன்னியின் செல்வன் இசை வெளியீட்டு விழா இன்று சென்னையில் உள்ள நேரு ஸ்டேடியத்தில் பிரம்மாண்டமாக நடைபெற உள்ள நிலையில், பத்திரிகையாளர் ஒருவர் தாக்கப்பட்டது பெரும் பரபரப்பை ஏற்படுத்தியது.
உடனடியாக அரங்கத்திற்குள் ஏகப்பட்ட போலீஸார் குவிக்கப்பட்டு அந்த இடமே கலவர பூமியாக காட்சியளித்தது.
பி.ஆர்.ஓ உதவியாளரை பவுன்சர் ஒருவர் தாக்கியது பெரும் பிரச்சனையை ஏற்படுத்தியதாக கூறுகின்றனர்.
மன்னிப்பு கேட்கும் வரை ஒரு அடி நகர மாட்டோம் என பத்திரிகையாளர்கள் உள்ளிட்ட பலரும் போராட்டம் நடத்தி வருகின்றனர்.
இதன் காரணமாக திட்டமிட்டப்படி பொன்னியின் செல்வன் இசை வெளியீட்டு விழா நடப்பதில் சிக்கல் ஏற்பட்டுள்ளது. பவுன்சர்கள் மற்றும் பிஆர்ஓ இடையேயான பிரச்சனையை பேசி தீர்க்க போலீஸார் முயற்சி செய்து வருகின்றனர்.