தேச ஒற்றுமை யாத்திரை பொது கூட்டத்தில் பாஜக வை விமர்சித்து காங்கிரஸ் எம்.பி. ப.சிதம்பரம் பேசியுள்ளார். இந்திய காங்கிரஸ் முன்னாள் தலைவர் ராகுல் காந்தி காங்கிரஸ் கட்சியை வலுப்படுத்தவும், காங்கிரஸ் தொண்டர்கள் மத்தியில் எழுச்சியை ஏற்படுத்தவும் கன்னியாகுமரியில் இருந்து காஷ்மீர் வரை `பாரத் ஜோடோ யாத்ரா’ என்ற பெயரில் நடைபயணம் மேற்கொள்கிறார். கன்னியாகுமரியில் பாதயாத்திரை தொடங்கும், ராகுல் காந்தி 12 மாநிலங்கள் 2 யூனியன் பிரதேசங்கள் வழியாக மொத்தம் 150 நாட்கள் 3,500 கிலோ மீட்டர் தூரம் நடந்து சென்று காஷ்மீரை அடைகிறார்.
காங்கிரஸ் கட்சியின் ‘இந்திய ஒற்றுமை பயணம்’ இன்று பல்வேறு தமிழக அரசியல் தலைவர்கள் முன்னிலையில் இன்று துவங்கியது. நிகழ்ச்சியில் முதலமைச்சர் மு.க.ஸ்டாலின், ராகுல் காந்தி உள்பட காங்கிரஸ் கட்சியின் மூத்த தலைவர்கள் கலந்துகொண்டுள்ளனர்.
பொதுக்கூட்டத்தில் காங்கிரஸ் தலைவர்கள், தமிழ்நாடு அமைச்சர்கள், எம்.பி.க்கள் உள்ளிட்டோர் கலந்து கொண்டனர். கூட்டத்தில் பேசிய காங்கிரஸ் எம்பி ப.சிதம்பரம், ராகுல்காந்தியின் நடைபயணத்தை கொச்சை படுத்துபவர்கள் நாட்டில் நாம் இருக்கிறோம் என்பதால் அவர்களை மகாத்மா காந்தி மன்னிக்க வேண்டும் என்றார்.
இந்திய சுதந்திரத்தின்போது, வெள்ளையனே வெளியேறு என்ற பொது நம்மை பாஜக, ஆர்எஸ்எஸ் அமைப்புகள் கேலி செய்தது. அவர்கள் அப்போதைய சுதந்திர போராட்டத்திலும் கலந்து கொள்ளவில்லை. தற்போது நடைபெறும் 2-வது சுதந்திர இந்திய ஒற்றுமை போராட்டத்திலும் பங்கேற்கவில்லை என்றார். வெள்ளையனே வெளியேறு என்று சொன்னது போல், பாஜக-வை ஆட்சியில் இருந்து வெளியேற்ற வேண்டும் என தெரிவித்தார். முன்னதாக பாரதி பாடலை பாடி இந்திய மக்கள் ஒற்றுமை குறித்து ப.சிதம்பரம் பேசியது குறிப்பிடத்தக்கது. ப.சிதம்பரத்தின் இந்த பேச்சு அரசியல் வட்டாரத்தில் கவனிக்கப்பட்டுள்ளது.