தயாரிப்பாளர் ரவீந்திரன் அண்மையில் சின்னத்திரை நடிகை மகாலட்சுமியை மணந்தார். அவருடைய திருமணம் சமூகவலைதளங்களில் பேசுபொருளானாது. அவரும் தன் மனைவியுடன் தொடர்ந்து பல யூ டியூப் சேனல்களில் பேட்டிக் கொடுத்தார். இவர்களின் திருமணம் குறித்து பலரும் பலவிதமான கருத்துகளை தெரிவித்த நிலையில், நடிகை வனிதா விஜயக்குமாரும் தன்னுடைய டிவிட்டர் பக்கத்தில் ’கர்மா யாரையும் விடுவதில்லை’ என ரவீந்திரன் திருமணம் குறித்து கருத்து கூறியிருந்தார்.
அந்த கருத்து பதில் கொடுத்துள்ள தயாரிப்பாளர் ரவீந்திரன், வனிதா என்னுடைய திருமணம் குறித்து டிவிட்டரில் போட்டிருந்த பதிவை பார்த்தேன். அதில் குருமா.. இஸ் மை என ஏதோ எழுதியிருந்தார். அதைப் பற்றி இப்போது பேசுவதற்கும் எதும் இல்லை. என்னுடைய திருமணம் யாருடைய கண்ணீரிலும் தொடங்கவில்லை. அதனால் எதைப் பற்றியும் நான் கவலைப்பட வேண்டிய அவசியமில்லை” எனத் தெரிவித்துள்ளார்.
இவர்களுக்குள் இருக்கும் சண்டை தொடர்ந்து கொண்டே இருக்கிறது. முன்னதாக வனிதா பீட்டர் பால் என்பவரை திருமணம் செய்தார். அவர்களுடைய திருமணத்தை ரவீந்திரன் கடுமையாக விமர்சனம் செய்தார். ஒருவரின் குடும்பத்தை பிரித்து வனிதா திருமணம் செய்யலாமா? என்றெல்லாம் கூறியிருந்தார். அதனை மனதில் வைத்து தான் இப்போது இரண்டாவது திருமணம் செய்திருக்கும் தயாரிப்பாளர் ரவீந்திரனை சாடினார் வனிதார். இப்போது, இந்த தொடர் கதைக்கு ரவீந்திரன் மீண்டும் ஒரு புள்ளியை வைத்திருப்பதால், வனிதாவின் ரியாக்ஷன் என்னவாக இருக்கும் என நெட்டிசன்கள் எதிர்பார்த்துள்ளனர்.