தெமட்டகொட மாடி வீட்டு கட்டிட கட்டிட தொகுதியில் பொலிஸார் மேற்கொண்ட தீடிர் முற்றுகையில் ஒரு பெண் உட்பட 8 பேர் கைது செய்யப்பட்டுள்ளனர்.
இந்த முற்றுகையின் போது 35 கிராம் ஹெரோயின் போதைப்பொருள், 100 போதை குளுசைகள், 5 வாள்கள் கண்டுப்பிடிக்கப்பட்டுள்ளதாக பொலிஸ் தலைமையகம் தெரிவித்துள்ளது.
கைது செய்யப்பட்ட சந்தேக நபர்கள் 19 க்கும் 44 வயதிற்கும் இடைப்பட்டவர்கள் என்றும் குறிப்பிடப்பட்டுள்ளது. இவர்கள் வாழைத்தோட்டம் மற்றும் மாளிகாவத்தை ஆகிய நீதவான் நீதிமன்றங்களில் ஆஜர்படுத்தப்பட்ட பின்னர் விளக்கமறியலில் வைக்கப்பட்டுள்ளனர்.
சம்பவம் தொடர்பில் தெமட்டகொட பொலிஸார் மேலதிக விசாரணைகளை மேற்கொண்டு வருகின்றனர்.