ராமேஸ்வரத்தை சேர்ந்த ஆறு மீனவர்களை விடுதலை செய்து இலங்கை நீதிமன்றம் உத்தரவு!

ராமேஸ்வரத்தை சேர்ந்த மீனவர்கள், இலங்கை கடற்படையினரால் கைது செய்யப்படும் சம்பவம் அடிக்கடி அரங்கேறும். இந்நிலையில், கடந்த 27ம் தேதி ராமேஸ்வரத்திலிருந்து, 500-க்கும் மேற்பட்ட விசைப்படகுகளில் 2500-க்கும் மேற்பட்ட மீனவர்கள் மீன்வளத்துறை அனுமதி பெற்று மீன்பிடிக்க சென்றனர். அப்போது, தனுஷ்கோடி – தலைமன்னார் இடையே மீன் பிடித்துக் கொண்டிருந்த போது எல்லை தாண்டி மீன் பிடித்ததாக கூறி ராமேஸ்வரம் மீனவர்கள் 6 பேரை இலங்கை கடற்படை கைது செய்தது. கைது செய்யப்பட்ட 6 மீனவர்களையும் மன்னார் கடற்படை முகாமுக்கு இலங்கை கடற்படை அழைத்து சென்று விசாரித்தனர்.

இதனையடுத்து, இலங்கை கடற்படையினரால் கைது செய்யஓஅட்ட மீனவர்கள், கடந்த 29 ந்தேதி அந்நாட்டு மீன் வளத்துறை அதிகாரிகளிடம் இவர்கள் ஒப்படைக்கப்பட்டனர். எல்லை தாண்டி மீன்பிடித்தது, தடை செய்யப்பட்ட வலைகளை பயன்படுத்தியது, அந்நாட்டு கடல் வளங்களை சேதப்படுத்தியது என அவர்கள் மீது வழக்குப் பதிந்து குற்றப்பத்திரிகை தாக்கல் செய்யப்பட்டு, நீதிமன்றத்தில் ஆஜர் படுத்தப்பட்டபோது, வழக்கை விசாரித்த நீதிபதி, வரும் 12ஆம் தேதி வரையான இன்று வரை சிறையில் அடைக்க கடந்த 29 ந்தேதி உத்தரவிட்டிருந்தார். இதனை அடுத்து ராமேஸ்வரம் மீனவர்கள் ஆறு பேரும் இலங்கை வவுனியா சிறையில் அடைக்கப்பட்டிருந்தனர்.